2018 Miss Le Mister CYO Indiana

Chin Youth Organization Of Indiana tawlrelnak in 2018 Miss le Mister CYO Indiana thimnak cu tlamtling tein an tuah khawh i September 2 ahkhan CYO Indiana Super Show ah teinak a hmutu pawl cu laksawng an pek hna.

2018 Miss le Mister CYO Indiana

2018 Miss le Mister CYO Indiana cu Ruthie Hlawn Cer Chin le Van Cung Thawng nih an ngah. People Choice Award winner ah Mister in Peter Lian nih a ngah. Helen Nichinpar nih Miss People Choice Award le Fashion winner a co.

Peter Lian
Helen Nichinpar

Ruthie Hlawn Cer Chin le Van Cung Thawng cu 2019 CYONA Conference pi ah Indiana CYO Miss le Mister aiawh in an i zuam te lai.

CYO Indiana Super Show ahcun Mister, Miss, Fahsion le Idol zuamnak zong an tuah i, Idol zuamnak biakhiaktu ah Pi Venus Par Tin Mawi, Pi Tlim Tui Thang, Pi Dawt Len Zi le Aa Ta Van Za Thang hna an si.

Miss, Mister le Fashion zuamnak i biakhiatu ah Nungak Zar Tha Len Par, Tlangval Ryan le Pi Sui Bualteng hna an si.

2017 Miss CYONA Rebecca Bawi Zi Tial zong nih a telpi hna i Miss People Choice Award cu amah nih laksawng a pek.

Idol zuamnak ah Olivia Thla Sui nih 1nk a ngah i 2019 CYONA Conference pi ah Indiana CYO aiawh in Idol aa zuam te ding a si.

Olivia Thla Sui

2018 Mister CYO Indiana a ngahtu Van Cung Thawng (kum 19) hi MIE Peng lei Vanha le Lunghnam khuami a si. A pa min ah Aung Ci le a nu min ah Don Ci. A chuah pi unau lak ah hngakchia bik a si ii unu pakhat le upa pakhat a ngei. Kum 9 a rak si ah hin USA ah an phan. Indiana University of Bloomington ah sianginn a kai lio mi si.

2018 Mister CYO Van Cung Thawng

Bawlung chuih a uar ngai mi a si. High school a kai lio zongah, a sianginn kainak hmun Southport High School ah Captain tii in rak thim mi a si. Mah leng ah a sianginn kai nak zong ah hin President of Key Club dir hmun in a rak um.

2018 Miss CYO Indiana Ruthie Hlawn Cer Cin

2018 Miss CYO Indiana a ngahtu Ruthie Hlawn Cer Chin (kum 19) cu Chin state, Hakha khuapi ah a chuakmi a si. Unau chuak tti 3 lak ah a hniangbik a si. Kum 6 a si lio 2004 ah America ram a phan. Amah cu Indiana University of Bloomington ah kum 2nak a kai lio a si.

Azi cu Faiceu Journal website ah kum 1 leng thawnggpang a leh hnu ah The Chin Express (theihtlei.com, thechinexpress.com le thechinexpress.info) ah kum 3 chung thawngpang 2,000 leng a let/ṭial cang.