Chin state, Paletwa peng i khuate pawl ah AA kan ra lai tiin AA nih ca a kuat hna ruangah khuami cheukhat cu an zaam nain a zaam kho lomi tarnu/pa cu khua ah an um ko tiah ralzaam bawmtu bu rianttuan pakhat nih a chim.

“Rakhine ralkap AA nih khua cheukhat ah tlerhnak ca an kuat hna. Hika khua ah kan ra lai, khi ka khua ah kan lut lai tiin ca an kuat hna ruangah khuami nih an tih caah an i zaam cia.”

Ral ruangah Chin state minung 200 leng Bangladesh ram ah an zaam

“Atu tiang keimah ka theih tawk ah AA tih in khua a zaam takmi minung 200 hrawng an si. Mino le upa pawl cu khua dang ah an zaam. A zaam kho lomi tar nu/pa cu ka thih le thi ko ning tiin a um/tangmi zong an um,” tiah a chimchap.

Kan hnu zarh ahkhan Tanthawng khua khatlei, WutChaung khua in meng 5 hrawng a hlatnak hmun ah Kawl ralkap le AA an i phomh i Tanthawng khuami tampi an zaam.

AA nih an kal pimi Chin khua 2 kong hlat aa thawhmi atutiang an kir rih lo

Cun, AA nih Tanthawng palek sakhan bawi le khua bawi pa an kalpi hna. Atu tiang khua bawipa le palek sakhan bawi pa thawngpang theih a si rih lo.

Nizaan tihni te zongah chungkhat le khuami an lungretheih caah thlacamnak an tuah piak hna. _ Chin World

Azi cu Faiceu Journal website ah kum 1 leng thawnggpang a leh hnu ah The Chin Express (theihtlei.com, thechinexpress.com le thechinexpress.info) ah kum 3 chung thawngpang 2,000 leng a let/ṭial cang.