February 14 ahkhan Arakan Army (AA) le Arakan Rohingya Salvation Army (ARSA) i bawm in Maungdaw peng, Kalade khua pawng ah ramri cawng palek an kah hna i palek pakhat a thi tiah palek nih thawng an thanh.

AA/ARSA minung 30 le ramri hngak palek cu February 14, zinglei sml 2 hrawngah Kalade khua pawng ah an i kap.

Zinglei sml 4 hrawng ah palek cu ralkap nih an hung bawmh hna i AA le ARSA cu an zaam. Palek pakhat a thi.

Cun, AA le ARSA nih an zaam takmi thilri tampi kan hmuh. Arab ca in aa ttialmi cauk pakhat zong kan hmuh tiah palik nih thawng an thanh.

“AA le ARSA i bawm in palek an kah hna timi cu a kan puh sawhsawhmi a si. A dikmi silo,” tiah AA lei biachimtu Khai Tuh Khah nih a chim.

“Palek nih a hlan lio zongah atu bantuk in a kan puh bal cang. Nizaan tihni a cangmi a si an ti tikah zeihmanh pehtlaihnak kan ngei lo. Nizaan tihni hrim ah Maungdaw pengah ral kan tu lo,” tiah AA lei nih an chim.

Maungdaw peng ah ramri hngak palek kah an tong i palek pakhat a thi ti cu Rakhine state cozah secreatary U Nyi Nyi Maung nih a fehter ko nain a diktlir in ka thei lo a ti.

“AA le Rakhine Rohingya Khamhnak Ralkap (ARSA) cu 2018 July thla in khan tonbiaruahnak an ngei. AA cu ralhrang an si ve.”

“AA le ARSA cu Bangladesh ram ah sakhan tampi an ngeih caah Myanmar cozah nih kan dawi kho hna lo,” tiah Myanmar cozah biachimtu Zaw Htay nih January 9 ahkhan a rak chim. _ 7Day Daily

Azi cu Faiceu Journal website ah kum 1 leng thawnggpang a leh hnu ah The Chin Express (theihtlei.com, thechinexpress.com le thechinexpress.info) ah kum 3 chung thawngpang 2,000 leng a let/ṭial cang.