AA: Salai Beva Le U Chia Haw rak hlam hna uh

“Rakhine hriamtlai (AA) nih an kalpi mi Paletwa peng Tantaung khua palek bawi Salai Beva le khuabawi U Chia Haw cu tuni ah rak hlam hna uh tiin AA ralkap nih thawng a kan thanh,” tiah Tantaung khua upa pakhat nih a chim.

“Pastor le khua nupa tiah khua 1 minung cio nih rak hlam hna uh an ti. Pastor pahnih nih an va hlam hna, an timi caan zong a tling cang nain atutiang zei thawngpang hnah kan thei rih lo,” tiah a chim.

February 22 ah AA ralkap nih Tantaung khua palek sakhan an tuk i palek bawi Salai Beva (Mara miphun) le khuabawi U Chia Haw an kalpi hna.

Ni 5 hnu ah rak hlam hna uh tiin AA nih khuami sinah thawng an thanh hi si.

Chin state cozah biachimt U Soe Htet nih, “mah kong he pehtlai in khuami nih thawng a kan thanh, biaknak lei hruaitu le khua nupa nih va hlam hna uh tiin ruahnak kan cheuh hna,” tiah a chim.

“Sakhan bawi le khuabawi kong ceih dingin minung 20 an auh hna tiah kan theih. A kal ngam lomi zong an um. Mahka hmun ahcun ralkap zong an phan cang fawn i AA le ralkap an i kap lai i harnak kan tong sual lai ti an phan caah an kal ngam lonak si.

“Nain, Salai Beva le U Chia Haw hi mahti menmen cun an thlah hna lai lo caah pastor le khua nupa nih AA cu va pehtlai ko hna uh tiin ruahnak ka cheuh hna,” a ti. — Khonumthung

Lian cu Seihnam Journal ah Editor-in-chief a rak ṭuan. UNHCR zung i RSC department ah kum 4 chung holhlet le calet a ṭuan pah in Faiceu Journal ah 'editor' in a rak bawm pah hna. 2016 ah The Chin Express a dirh i ni fatin Chin thawngpang le vawlei cung thawngpang phunkip a ṭial.