Mi tampi cu kihtlaih, zawtfah tikah sikhan le sibawi sinah i piah loin mah duh i sii din kan hmang. Sii cu sibawi nih fialmi lawng din ah a ttha. Sii a si ko nain minung ngandamnak caah a tthatlonak tampi a um ve.

Kum 25 Thailand nu pakhat cu a lu hrapcheu a fah caah amah duh in fahloh sii a din i emergency in sizung a phan. Sizung a um ni 3nak ah a nunnak liam.

Cu konghe pehtlai in a thimi a nau Chudapa Pornngam nih online ah mipi sin ralrin peknak ca a ttial.

“Ka unu cu a lu hrapcheu a fah caah fah loh sii le thla fatin nu an thi chuah caan i pangfah damnak sii cu a mah tein dawr ah aa cawk i a dinnak kum 1 leng si cang.”

“August 2 ahkhan a din tawnmi fahlo sii cu a din. A din tlawmpal ah a lungmit i sizung a phan. Sibawi te nih an check tikah a thi ttum tuk an ti i August 9 ahkhan thluak lei sibawi sin ah i zohter dingin ca a kan ttialpiak.”

“Nain, August 3 ah a lu fah tthan caah fah loh sii cu a din tthan i Augusst 4 ah sizung a phan tthan. Sizung a um ni 3nak ah a nunnak liam” tiin Chudapa Pornngam nih online ah ralrin peknak ca a ttial.

Thisa der lio i fahloh sii din hi thin a rawk i minung nunnak caah ttih a nung tuk. – The Irrawaddy

Azi cu Faiceu Journal website ah kum 1 leng thawnggpang a leh hnu ah The Chin Express (theihtlei.com, thechinexpress.com le thechinexpress.info) ah kum 3 chung thawngpang 2,000 leng a let/ṭial cang.