Australia ah Chin tlangval Jewell Thang nih ruah lo piin a kan liamtak

Victoria, Australia – Chin tlangval Jewell Thang, kum 17 nih tiva an riahnak ah ruah lo piin mual a kan liam taak e. Hi btk in ruah lo tuk in kan fapa nih a kan liam taak cu kan lung a faak hringhran ko.

Tutan i mual a kan liam taak ninghi khuaruahhar ngaingai a si. A hawile minung pali he nizan zanlei sang in tiva ah a riak in an kal hna.

Zan suimilaam pariat hrawngah tiva an riahnak ding hmun an phan . Cuti cun sio thlakpah in tiva an an riak hna. Meiphu an kau i Meiphu an to hna. Zaan a hungtlai pah cang caah deilei suimilaam pathum hrawng an it cio hna.

Deilei suimilaam 5am hrawng ah khin an hawi pa pakhat kha ahung kih deuh cang caah meiphu tih ah a tho. Cuti meiphu tih a hung thawh tik ahcun Jewell kha a um ti lo. Sio a thla hnga maw tiah an ruah i an hun kawl tik ah an sio zong a um dih ko.

A kenden le a angki pawl zong a um dih ko. Cucaah an pawngkam pawl vialte an kawl i an hmuh ti lo caah Palik sinah thawngthanhnak an tuah i palik nih chun nitlak nawn an kawl hnu zanleisang 5:00pm tluk ah a ruak an hmuh hi a si.

Kan Fapa Jewell hi kum 17, taang 12 a cawng lio mi tlangval kate a si. Thantlang peng, Tlangpi khuami Pi Ngun Neih Tial i a fapa hniang a si i Melbourne nichuahlei ah khua a sami an si.

Cucaah tuzan thok in ruaktlaak hlan tiang thutpinak program ngeih a si lai.

Ahmun: VCBC Biak Inn
55 Lusher Road.
Croydon Vic 3135.

Acaan: 7:00pm( Tuzaan )

Hmailei thutpinak program hmun le caan cu a herhning in pehzulh in kan thanh than te lai.

Ngaihchiatnak tuarpi buin,

Australia Chin Community

Lian cu Seihnam Journal ah Editor-in-chief a rak ṭuan. UNHCR zung i RSC department ah kum 4 chung holhlet le calet a ṭuan pah in Faiceu Journal ah 'editor' in a rak bawm pah hna. 2017 ah The Chin Express a dirh i ni fatin Chin thawngpang le vawlei cung thawngpang phunkip a ṭial.