Australia ah Pi Tial Hlei Par nih mual a kan liamtak

Australia ram i Melbourne khuapi ah a ummi Pi Tial Hlei Par, kum 31 nih tu zingka 9:40am ahkhan Sunshine Hospital ah mual a kan liamtak.

Pi Tial Hlei Par cu thin cancer in caan saupi a ngor. A chungkhar nih an si khawh chungin an thlop ko nain chanh khawh loin tu zingka ah a kan liamtak hi si.

Thantlang peng, Tlangpi khua ah a rak chuakmi Pi Tial Hlei Par nih a pasal Pu Van Khua Cuan Hlawnceu le an fale 4 a liamtak hna. An fale 4 hna cu;

  1. Jehu Van Lal Kam – kum 14
  2. Rual Hram Peng – 12
  3. Abraham Bawi Sang Tling – 10 le
  4. Mary Van Par Iang – 2 hna an si

Jehu nu te chungkhar hi Melbourne Chin Church (MCC) chungtel an si.

Tuzaan 6:30pm in 8:80pm tiang MCC Pumhnak Hall ah tantakmi chungkhar tthutpinak le Pathian sinah thlacampinak an tuah lai.

Melbourne Chin Church

Hawile hna,

Tuzan ngaihchiatnak tongmi chungkhar hnemhnak a um lai. Bawipa sinin teinak le intuar khawhnak an hmuh nakhnga nangmah hnemhnak biapi tuk a si. Kan zapi chuah khawh izuam cio hna usih.

06:30pm in 08:30pm
MCC Pumhnak Hall
387 Mason St
Altona North VIC 3025

Bawipa nih hnemtu thabik ah kan nunnak sersiam hram ko seh.

MCC
Secretary
Tha Tha Pa

Lian cu Seihnam Journal ah Editor-in-chief a rak ṭuan. UNHCR zung i RSC department ah kum 4 chung holhlet le calet a ṭuan pah in Faiceu Journal ah 'editor' in a rak bawm pah hna. The Chin Express dirh a duh caah 2017 ah RSC ah rian dinhnak ca a ap i ni fatin Chin thawngpang le vawlei cung thawngpang phunkip a ṭial.