Australia Chin Communities Le CHRO Nih Australia Cozah Tonnak Kongah Thawng Fianternak

Atu tan Australia rampi cozah tonnak ah Chin Human Rights Organisation (CHRO) le Australia Ramkulh panga khuasa Chin communities hna THANHCA an chuah.

Chin Human Rights Organisation (CHRO) le Australia rampi Chin Community chungin Queensland, New South Wales, South Australia, Victoria, Western Australia nih Australia cozah cu 2018 December 3-4 (nihnih chung) ah Australia khualipi Canberra ah tonbiaruahnak kan ngeih hna.

Chin upa hna nih Australia cozah chungin ton khawhmi hna cu a tanglei bantuk in an si:

  1. Hon. Scott Morrison MP, Prime Minister of Australia
  2. Hon. David Coleman MP, Miniter of Immigration, Citizenship and Multicultural Affairs
  3. Hon. Lan Macdonald, Chair of Joint Standing Committee on Foreign Affairs, Defence and Trade
  4. Hon. Kevin Andrews MP, Chair of Joint Standing Committee on Foreign Affairs and Trade, Human Rights Sub Committee
  5. Joint Standing Committee on Foreign Affairs and Trade, Human Rights Sub Committee
  6. Assistant Secretary Lynda Worthaisong and Policy Officer (Myanmar Section) Lauren Waugh, Department of Foreign Affairs and Trade and Southeast Asia Mainland Branch
  7. Mr. Thomas Albreecht, Regional Representative (Australia)

Atu tan Chin upa hna nih Australia cozah tonnak ah a biapi in thil 3 chim a si:

  1. Chinram ah atulio nuhrin covo dirhmun le thil sining fianternak le Chinram ah Australia cozah nih bawmhnak le tthanchonak hmaithlak in dirkhamhnak ngeih ding
  2. Ram 2nak ah a tang rihmi Chin miphun ralzaam caah chimrelnak le
  3. Australia Chinmi kan tthanchonak le hlawhtlinnak kong kan chimh hna. Cun, cahmai 60 tluk in kan ttialmi Australia Chinmi tuanbia dawh cu kan pek dih hna.

Hi Chin upa hna (Chin Communities in Australia le CHRO) le Australia cozah tonbiaruahnak ah cozah upa nih biattha le biathlum in lehnak an kan tuah. Cun, tonnak ah Australia cozah nawl ngeitu bik, Prime Minister le Immigration Minister nih Chin miphun cu Australia a phanmi miphun vialte lakah hlawhtling bik le zohchun a tlak bik nan si tiah a kan thangthat.

Atu tan Australia cozah kan ton khawhnak dingah a kan tawlrelpiaktu le a kan tthihruaitu cu Western Australia Senator Dean Smith a si.

Atu bantuk thil biapi kan tuah khawh nak ding caah ngeihchiah chawva lei in thazaang a chuahtu hna cu Chin Community of Coffs Harbour Inc., Coffs Harbour Chin Immanuel Church, Chin Christian Council in Australia le Victorian Chin Baptist Church hna an si.

Atu tan Chin upa le Australia rampi cozah tonnak cu hlawh a tling ngaimi tonnak a si tiah kan ruah.

Azi cu Faiceu Journal website ah kum 1 leng thawnggpang a leh hnu ah The Chin Express (theihtlei.com, thechinexpress.com le thechinexpress.info) ah kum 3 chung thawngpang 2,000 leng a let/ṭial cang.