Australia Chin mi nih Malaysia le India miauhnak (202) tuah tikah ralrin ding tampi a um

Biahmaitti ah Australia nih Chin mi ralzaam (202) laknak kong hi zei thawngpang hmanh a thar um lo. Ai thleng mi zong a um lo. Perth lei si ah, Melbourne lei si ah a kan pek mi information ai khat ko. An chim peng mi cu khuate lei (regional areas) um mi lawng lawng hi hawihlei in kan ruah hna lai ti a si ko.

Ahlei bik in Melbourne cu Lai mi tambik umnak a si tikah nai ten thawng an thanh cang ka in Melbourne in 202 auhnak form a tuah mi pawl hi Zarh (2-4) kar ah reject ca lawng te an kuat thluahmah cang hna. An chim minak in an tuah/tuan ning an rang deuh.

Aluancia kum 3-4 lio ah ning lo cang loin duh paoh mi auhnak kan tuah mi le Citizenship kan sok mi cu ni hin ni ahcun kan mithli tlaknak dirhmun ah a kan chia tu ah an si thluahmah cang.

Fak piin ralrin kan herh:

1. Australia Cozah nih Chin ralzam hi mihrokhrol in a kan hmuh pah thluahmah cang. Hi ti a kan hmuhnak hi 2016 in
Citizenship kan sok nak in ai thawk.

2. 2019-2020 cun kan hliah a lang thluahmah cang lai. Kan mual a phonak tu hi Australia news agency pawl sin ah a phak citcet sual ahcun fak piin Cozah nih a kan ngiat chinchin cang lai.

3. Nan chungkhat sahlawhrual chan pawl hi unau in au hna hlah uh. Unau a si lo mi nih unau in nan i au. Mah nan auh mi nih a unau taktak kha unau le chungkhat hna in 202 auhnak an tuah. Cun, nu lei nih auhnak tuah mi reject a ton cang mi kha pa lei nih unau taktak hna in mi auhnak nan tuah than tikah cu thil tha lo cu Immigration Dept (Home Affairs) nih fawi tuk in an theih colh.

4. Australia Cozah nih min zumh lo mi a um tikah UNHCR an chawnh colh peng. Australia a phan cang mi min le chuah kum, khua tiang ai khat mi hna US ah a phan mi an um. Mah tiang cu kan Cozah nih an kan dawi cuahmah cang.

5. UNHCR luh lio le Australia High Commission Interview lio ah unau cazin pek ti lo mi DNA kan check ko u. Kan u/nau – ka fa bak a si ko tiah mi auhnak a tuah mi pawl ruang ah khin Home Affairs khi fak tuk in lunghrinh nak a pek hna. Mah pawl thil siseh, ralzam nih zeitin dah innthawngsuh cazin le hmetpungtin a deuh pek/ap nak nih a tu cu Chin miphun paoh paoh a kan sio dih cang.

6. Australia Chin miphun hi kan him ti lo. Aruang cu tuan le tlai ah news agency a lian mi sin ah kan kong a phan kho te. Khi tikah Chin miphun a kan dawtu cheukhat pawl cu an ningzak ngai lai. A chir zong an i chir ngai kho mi dirhmun an phan lai lo kan ti kho lo.

Cattialtu: Sang Hre (Australia)

Azi cu Faiceu Journal website ah kum 1 leng thawnggpang a leh hnu ah The Chin Express (theihtlei.com, thechinexpress.com le thechinexpress.info) ah kum 3 chung thawngpang 2,000 leng a let/ṭial cang.