Australia kalnak form phit tikah ralrin ding

Malaysia um Chinmi hna nih Australia kalnak 842 form kan phit tikah le interview a kan auh tikah atanglei hna hi i ralring cio usih.

UN lei ah siseh, Australia tanzung zongah nulepa, unau min tling loin le a hleihluat (lih hrokhrawl) in chim hlah uh.

Na chungkhar kong a dik lomi na chim sual i, an hngalh te ahcun kum 3 tiang Australia kal sok kho ti lo dingin an in bar lai.

Hmailei i Australia ram na phanh hnu zongah an check khawh tthanmi si caah a dik loin tuah hrimhrim hlah.

842 form na phit hlan ah tling khitkhat tein hlat hmasa. CRC, ACR, FRO, tbk. sin zongah ruahnak hal hmasa ah a ttha.

842 form

Tanzung interview na kal hlan zongah, acunglei langhtermi ralzaam bu upa sinah ruahnak hal hmasa khawh i zuam.

Tanzung nih tehte catlap le certificate an in hal zongah, ralzaam bu upa pawl sinah ruahnak hal hmasa.

Catlap le certificate deu ap hrimhrim hlah.

Australia ram a phan cangmi minung 160 (case 160) nih citizen an sok lio ah catlap le certificate deu an ap ruangah atutiang citizen an ngah kho lo. Citizen kan pe hna lai maw asiloah an ram ah kan khirh hna lai maw? ti an ruah lio a si.

Chungkhar milu le catlap/certificate a dik loin tuah hrimhrim hlah uh. — ACR

Lian cu Seihnam Journal ah Editor-in-chief a rak ṭuan. UNHCR zung i RSC department ah kum 4 chung holhlet le calet a ṭuan pah in Faiceu Journal ah 'editor' in a rak bawm pah hna. 2016 ah The Chin Express a dirh i ni fatin Chin thawngpang le vawlei cung thawngpang phunkip a ṭial.