Australia Migrant Resort Centre nih Chin Broadcasting Network Cu Lunglawmhnak Roca A Pek

Australia ram Melbourne nitlak lei hmun khua miphan thar zohkhenhtu hna phu (Migrant Resort Center) nih Chin Broadcasting Network cu lunglawmhnak roca a pek tiah kan theih.

CBN Media: Migrant Resort Center tang ah a ummi Gamebler Help timi phu an dirh. Australia ram ah minung tamtuk game nih an nun a hrawh hna. Lei le ba he aa ciahmi hna bawmchantu le zohkhenhtu phu an si. A liamcia August 2018 thla ah CBN he kutsih in rian kan ttuan tti.

Kan mah Chin mi Australia phan cang mi mino tamtuk Pokie Game le a dang dang nih a lem cangmi hna chanchuah khawh ding in 
kan si khawh chung in kan tuanti.

Migrant Resort Center hi a liamcia 1989 ah rak dirhmi phu ralzaam hna caah biatak tein a cawlcangmi phu an si.

Tutan hi mah hi dirhmun kan phak khawhnak cu Pathian thawngin a si. A pahnihnak cu Melbourne Chin Church Assistant Pastor Peng Ling le Migrant Resort Center riantuan mi Vicky hna thawng in a si.

Tutan laksawng lak ah CBN ai awh in Secratary Sang Lian Thawng (Pu Tlerlung Thlaceu Chung) le kan prensenter a si mi Leng Kil Hnem an kal kho.

Tutan laksawng peknak ah a ra kho mi hna cu Africa Media, Victoria Gamble Responsiblelity le St Lorence Church upa hna le Brimbank City Council hna zong an ra hna.

Chin Broadcasting Network cu 2015 September ah Melbuarne Nitlak lei um Chinmi nih rak dirhmi phu a si. Tutan zong ah a rakchuakmi kip nih kan tuanmi chung in lunglawmhnak le thazaang peknak bia tampi an kan chim.

Azi cu Faiceu Journal website ah kum 1 leng thawnggpang a leh hnu ah The Chin Express (theihtlei.com, thechinexpress.com le thechinexpress.info) ah kum 3 chung thawngpang 2,000 leng a let/ṭial cang.