Awtha Van Hlei Sung chimmi hi Chinmi nih kan ruah ngai a herh

Awttha Van Hlei Sung nih “Laimi cu “free” kan duhtuk. Har le fai in midang nih rian an ttuan, caan an pek mi theih kan i harhtuk,” tiah a ttial.

“Vawlei kan um chung cu pawcawmnak khim in rian a ttuan i tangka a kawlmi kan si. Cucaah cun, FREE (alak kaa) in a hohmanh na pahrang hman ter hna hlah,” a ti.

Chin Idol winner Esther Dawt Chin Sung nih “100 ah 100 ka lungtling” tiah a comment. Awttha dang pawl zong an lungtling cio ko men lai.

An rian vialte kaltak in puai an sawmnak hna ah an kal, an nihlawh le an duhmi vialte an chiahta tikah kutlawng in ttinter ding cu an si hrim lo. Minung an si ve i rawl ei an hau ve, free in sawm peng hna ahcun rawl loin an thi ko lai, cucaah tangka an herh ve ti hi kan theihpiak hna a herh ngai.

Van Hlei Sung nih a ttialmi tling tein atanglei ah rel khawh si.

Van Hlei Sung: Na pahrang (talent) zeitik hmanh ah mi deh ter hlah. 
Pathian le Khrihfabu caah ti dah lo cu zeipoh profit hmuh ahau. 
– Timi cawnpiaknak ka hmuh. 

Vawlei kan um chung cu pawcawmnak khim in rian a ttuan i tangka a kawlmi kan si. Cucaah cun, FREE (alak kaa) in a hohmanh na pahrang hman ter hna hlah. 

Atu cu BUSINESS (sipuaizi) chan si. Asinak a sau nain cheukhat kan i fiang lo. Pakhat le pakhat nihsawh le ttihzah lo asi. 

Laimi cu “free” kan duhtuk. Har le fai in midang nih rian an ttuan, caan an pek mi theih kan i harhtuk. 

Ruah caan acu cang… 
ti ah le a cutnak zong sau hoi cang aiyawww…

Lian cu Seihnam Journal ah Editor-in-chief a rak ṭuan. UNHCR zung i RSC department ah kum 4 chung holhlet le calet a ṭuan pah in Faiceu Journal ah 'editor' in a rak bawm pah hna. 2016 ah The Chin Express a dirh i ni fatin Chin thawngpang le vawlei cung thawngpang phunkip a ṭial.