Awttha Sui Lian album thar ‘A Phu Ko’ cu tlamtling tein a chuak cang i February 16 ah Chinmi umnak ramkip ah cawk khawh si cang lai.

Kum 2017 ahkhan avoi khatnak album ‘A Um Lo’ a rak i chuah i cu album chung in ‘Liam Kun Law’ le ‘Kan Hlam Tawn’ hla hi mipi nih an uar khun.

Sui Lian: Hawikom vialte, ‘A Phu Ko’ timi ka hla album pahnih nak cu a ra lai ding February 16 ah ramkip, hmunkip in zamh ding ah timh tuahnak kan ngei.

Zuunhla, thazaang peknak hla le Pathian bawmh halnak hla he aa cawh dih.

CD le DVD in a chuak lai. US le Australia hi dollar 15 in zuar a si lai, a man fak tuk rak kan ti piak hrim hlah uh tiah kaan nawl cia hna.

Kan Laihla a si ko i kanmah le kanmah kan i bomh lo cun ho nih kan bia le kan hla cu an kan cawisan piak lai lo.

A man a faak nan ti pah ko bu in “aw kan unau te thazaang kan pek pei a si ve ko cu” tiah bomh khawh rak ka zuam cio uh. Laimi te nih tum i Laimi te nih sak mi a si “Lai Kut Chuak”. Kaa lawm tuk.

PATHIAN NIH KAN BIA LE HLA TE HI KAN KILVEN PIAK HRAM SEH. Nanhawi, Sui Lian

Langhtermi ram pawl ahhin cawk khawh an si lai. Myanmar, Australia, USA, Canada, New Zealand, Malaysia, Singapore, Japan, Korea le Europe.

Azi cu Faiceu Journal website ah kum 1 leng thawnggpang a leh hnu ah The Chin Express (theihtlei.com, thechinexpress.com le thechinexpress.info) ah kum 3 chung thawngpang 2,000 leng a let/ṭial cang.