Bawi Tha Hlei Par nih Malaysia CND Miss ngah, video zoh ve

Kuala Lumpur – Tuni ah tuahmi 71nak Chin Miphun Ni miss cu Tayagone khuami ngaknu Bawi Tha Hlei Par nih a co.

Pahnihnak cu Falam pengin Rosy Ang Nun Ting nih a ngah, pathumnak cu Mara pengin Elima nih a hmuh.

2019 CND Malaysia Miss Bawi Tha Hlei Par hi kum 17 te lawng a si nain a tungtai aa rem ngai. Tuni aa zuammi lakah a pumrua ttha bik a si. Pe 5′ 5” fai a sang.

2019 CND Malaysia Miss Bawi Tha Hlei Par – Photo: Lal Mi Sak Sawmhal

Hriphi khuami Pu Lian Vung le Vanha khuami Pi Zing Tlem hna nih Tayagone khua ah an ngeihmi Bawi Tha Hlei Par cu 2012 ah Malaysia a phan i Chin Studen Organization (CSO) ah kum tlawmpal sianginn a kai.

Atu cu KWC kungtteih ah rian a ttuan lio a si.

Miss luchin cotu cu RM1,000 le adangdang laksawng an pek.

“Pasal caah cun;

  1. Laipa a si lai
  2. Pathian ai bochanmi
  3. Keimah aa ka dawt bantukin ka chungkhar, ka hawikom le ka miphun a daw khomi si seh ti ka duh,” tiah miss nih pasal caah a duhmi pa kong an halmi a leh hna.

Thaizing lei ah miss 3 cu tling tein interview kan tuah hna lai. An konglam theih na duhmi comment law halpiak khawh kan i zuam lai.

Lian cu Seihnam Journal ah Editor-in-chief a rak ṭuan. UNHCR zung i RSC department ah kum 4 chung holhlet le calet a ṭuan pah in Faiceu Journal ah 'editor' in a rak bawm pah hna. The Chin Express dirh a duh caah 2017 ah RSC ah rian dinhnak ca a ap i ni fatin Chin thawngpang le vawlei cung thawngpang phunkip a ṭial.