Kan unau nu Bethsy Lalrinsangi nih a va ngeihnak ding nithla rel a thawk ve cang. Thih hlan lo chungkhar dirhpi ding aa thimmi pa Evan. cu amah hi si ko hih.

Bethsy va ngeih dingmi kong ka ttial duhnak hi a ruang um. Tam nawn in ka ttial lai.

Bethsy hi Mizoram hlasak thiam lakah cun Pathian nih kanmah Chinmi (a bikin Laimi) hmangin Pathian rianttuannak ram tam bik a pekmi nu a si lai ti ka zumh. Chinmi kan umnak ramkip a phak lo nak ram a um ti rua lo dah ka ti.

Mizoram ah hin hlasak thiam midang tampi an um ko nain Bethsy bantuk in ramleng ah kan sawmmi hna an um theng lo. A ruang cu, Bethsy a nu Parteii HC hi Falam khua i a chuakmi si i kanmah Chin(Laimi) lakah a tthangmi a si. Cucaah, Bethsy cu kanmah Lainu hrinmi fanu tluk in kan ruah ve caah ramkip um Chinmi (Laimi) nih Pathian hlasa dingin kan umnak ram cio i kan sawm duh khunnak hi a si rua tiah ka zumh.

Cun, pa 2 nak i ttial ka duhmi cu Bethsy hi hlasak a thiam hlei ah a mui zong cu ai dawh. A pumrua zong a ttha i duh zong a nung fawn. Pa nih cun uar lo awk khi a ttha lo. Amah nih cun a theih ziar ko lai i tlangval zeizat remruam nih dek an hei helh/duh.

Tlangval rel cawk lo helhtu a ngei ko lai nain cu vialte lakah cun dah kaw amah bantuk i Pathian rianttuan a duhmi pa, aho nih theih tuk lomi pa Evangelist tu hi ai thim diam ko cu.

Hi nih a langhtermi cu mui le sam le ngeihchiah naak in a zumhmi a Pathian rian thiang a ttuan kho dingmi tu biapi deuh ah a chiah ti a fiang i zumh awktlaak le zohchun awktlaak nusalttha a sinak fiang tein kan hmuh khawh. Cucaah, van ttial lo le lawmhpi ve lo in ka um khawh lomi cu a si.

💕Two Souls, One Heart, One Month Countdown Begins tiin a tang hmanthlak hi a tarmi cu si.
Photo credit # Bethsy

Cattialtu: Van Ceu Uk Khenglawt (USA)

Azi cu Faiceu Journal website ah kum 1 leng thawnggpang a leh hnu ah The Chin Express (theihtlei.com, thechinexpress.com le thechinexpress.info) ah kum 3 chung thawngpang 2,000 leng a let/ṭial cang.