Puchong Mino Cup sunglawi takin an tuah lai

Malaysia – Puchong mino nih Malaysia um Chinmi vialte i hawikomhnak caah sunglawi takin Mino Cub kan tuah lai, tiah Puchong mino secretary Ral Lian Kap nih a chim.

“Thleidannak a um lai lo, Malaysia rammi referee kan hlan lai. Zei bantuk khrihfabu, pengtlang, khua le team paohpaoh i tel khawh dih a si. Luhman RM1,000 a si.”

“Ni kum kan tuahnak Puchong celtual ah February 4 le 5, ni 2 chung chuih a si lai i champion a ngahtu cu RM2,800, trophy le team member dihlak medal pek an si lai.”

“Team 10 leng kan si ahcun ni 3 chung chuih a si lai. January 30 tiangah team 6 an tlin lo ahcun let a si te lai.”

“Pahnihnak a ngahmi cu RM1,500 le team member dihlak medal pek an si lai.”

Chuihnak ding celtual – ni kum chuihnak

“Anmah chuihnak hmun (hmaikal, alai, hnukam, tbk.,) cio ah a thiam bikmi thim in trophy pek an si fawn lai.”

“Celtual ah Puchong mino nih man fawi tein dinti le rawl thawthaw kan zuar lai caah eidin kong lungretheih awk a umlo. Hi tluk puai sunglawi ah i tel khawh lo ding lawnglawng hi lungretheih awk a um, cucaah dam rak i zuam cio uh.”

“2019 cu Chinmi tampi caah Malaysia kan um a donghnak a si lai caah, ahopaoh tel khawh cio i zuam hna usih, nuam taktak in a donghnak caan kan hmangtti hna lai.”

“Tel a duhmi team paoh nih January 30 hlan ah, atanglei Puchong mino upa sinah luhman pek a si lai,” tiah mino secretary nih a chimchap.

  • Chairman Cung Lian Thang – 011 3763 2052
  • Secretary Ral Lian Kap – 018 2899 637
  • Bawlung upa Pa Bung – 011 3938 8835

Celtual address: Jalan TPP 5/18, Taman Perindustrian Puchong 5&6, 47100 Puchong


Grab address
Lian cu Seihnam Journal ah Editor-in-chief a rak ṭuan. UNHCR zung i RSC department ah kum 4 chung holhlet le calet a ṭuan pah in Faiceu Journal ah 'editor' in a rak bawm pah hna. The Chin Express dirh a duh caah 2017 ah RSC ah rian dinhnak ca a ap i ni fatin Chin thawngpang le vawlei cung thawngpang phunkip a ṭial.