Philippines ram ah January 20 in tuah dingmi LITTLE & TEEN GLAM INTERNATIONAL 2019 zuamnak ah Chin nu Regina Noi cu Myanmar ram aiawh in aa zuam ve lai.

Chin nu Regina Noi le Aung Myat Min cu Myanmar ram aiawh in Miss Teen Glam 2019 le Mister Teen Glam 2019 ah an i zuam lai.

Regina Noi, kum 19 cu Kalay ah tuahmi 2018 Miss Myanmar Beauty Paradise ah World Miss Tourism winnner le Internet popular laksawng a hmumi a si.

An nih hi Kalaymyo ah khuasami a si.

Miss Teen Intertional Myanmar 2017 a ngahtu Chin nu Margaret zong nih a lawmhpinak kong cu a Facebook cahmai ah a ttial.

“Margaret nih kan miphun cungah siter ka duhmi ka saduhthah a tling cang. January 20 ah Philippines ram ah aa zuam lai. Kan miphun le ram caah a tthabik in kan zuam piak ko. Regina Noi, ruahchannak tampi ka rak ngei ko lai hih” tiah Margaret nih a ttial.

Azi cu Faiceu Journal website ah kum 1 leng thawnggpang a leh hnu ah The Chin Express (theihtlei.com, thechinexpress.com le thechinexpress.info) ah kum 3 chung thawngpang 2,000 leng a let/ṭial cang.