Chin party Chairman Pu Zo Zam, CHRO le CNF upa pawl nih Malaysia Chin Miphun Ni an hmanpi hna lai

Kuala Lumpur – Kum 71nak Chin Miphun Ni ah ramleng in Chin hruaitu upa tampi an sawm hna. Chin party 3 (CNDP, CPP le CLD) an i fonhnak CNLD party chairman Pu Zo Zam zong a ra lai.

Kawlram ah Chinmi hna nih mahte khuakhan lairelnak le democracy kan hmuh khawhnak dingah fakpi in aa zuammi Chin Miphun Ralkap (CNF) in Pu Thang Ning Kee (Vice Chairman III) zong a ra lai.

Chin miphun hna ram thumnak kan phanh khawhnak dingah biatak tein aa zuammi Chin Nuhrin Covo Bu (CHRO) in Pu Bawi Lian Mang le Pu Victor Biak Lian zong an ra lai.

Chun hlan cu Chin Miphun Ni philhlonak le donnak caah pupa nunphung lam phunkip le sawmmi khualian pawl nih biarovuihnak in sunglawi taktak in caan hman a si lai.

Chun hnu cu Chin Miphun Ni cawisannak le lawmhnak caah Chin leeng dawh miss zuamnak le awttha hna hlasaknak in nuam taktak in caan hman a si lai.

Chin Miphun Ni hmanpi dingin sawmmi khuallian pawl cu February 14 ah Malaysia um Chin pengtlang bu le ralzaam bu (ICC) upa pawl he Chin ralzaam hmailei kong meeting an tuah fawn lai.

70nak Chin Miphun Ni, Malaysia – 2018

US in Chin Community of India (CCI) President Peter Thawng Hmung le BOD Pu David Nuntho zong Malaysia um ICC he meeting tuah dingin an phan cang. Chin Miphun Ni an hmang beh lai.

Chin Miphun Ni khualian pawl;

71st CND ramleng khuallian

  1. Pu Thang Ning Kee (CNF Vice Chairman -3)
  2. Pu Bawi Lian Mang (CHRO) 
  3. Pu Victor Biak Lian (CHRO) 
  4. Michael Howard 
  5. Amy
  6. Chris Lewa 
  7. Pu Zo Zam (CNLD) 

71st CND Malaysia ram chung khuallian

  1. Maria Chin Abdullah (MP of Petaling Jaya) 
  2. YB Charles Santiago (MP of Port Klang)
  3. Andrew Khoo (Bar Council Malaysia – Malaysia Sihni Bu) 
  4. Archbishop Ng Moon Hing 
  5. Archbishop Julian Leow

71st CND hlasa ding awttha pawl

  1. Emily Van Cer Chin
  2. Dawt Mi
  3. Nilar Win
  4. Zing Par
  5. Tluangpi
  6. Salai Van Aung Ling
  7. William Ruata

Music tumtu
Salai Hmung Hmung le a hawi

  • Ahmun: Chinese Assembly Hall, ni kum tuahnak hmun (Maharajalela monorail station pawng)
  • Ani: February 15
  • Acaan: 9am – 6pm

Chin Miphun Ni taktak cu February 20 a si ko nain inn nganpi hlan awk a lawn lo caah 15 ah tuah an timhnak a si.

Lian cu Seihnam Journal ah Editor-in-chief a rak ṭuan. UNHCR zung i RSC department ah kum 4 chung holhlet le calet a ṭuan pah in Faiceu Journal ah 'editor' in a rak bawm pah hna. 2017 ah The Chin Express a dirh i ni fatin Chin thawngpang le vawlei cung thawngpang phunkip a ṭial.