Chin state ah Bangladesh rammi 12 an tlaih hna

Chin state, Rihkhuadar khua ah India ram in a thli tein a rak lutmi Bangladesh rammi 12 le lamhruaitu Myanmar rammi 2 hna cu October 18 zingka 4:30am ah an tlaih hna, tiah Rihkhuadar Thawngthanhnak le Mipi Pehtlaihnak Zung lutlai changtu Pu Lal Pek Lawma nih a chim.

Rihkhuadar khua ahhin Myanmar-India ramri pehtlaihnak hlei a um. Mah hlei cu zaanlei 6pm in zingka 6am karlak ah zulh khawh a si lo. Zingka 4:30am ah mahka hlei cun an Rihkhuadar khua ah an rung luh caah an tlaih hna hi si.

Ramri hlei pawngah an i thup i sau lakta an hngah hnu ah hlei sirhlei in a thli tein Myanmar ram ah an rung luh hi si. Phungninglo a si ruangah kan tlaih hna, tiah Lal Pat Lawma nih a chim.

An tlaihmi hna cu; Yangon ah a ummi Myanmar rammi Pu Kyaw Theing fapa Kyaw Aye Naing (kum 48) le amah nih a hruaimi Bangladesh rammi 5, Rakhine miphun an si nain Bangladesh ram, Rangamati pengah a ummi an si.

Minung 5 hna cu kum 22 in 25 kar an si i an min cu;

  1. ဒါနီရယ္တီလူးရာ (အသက္ ၂၃ႏွစ္)
  2. ဟာမြန္နီတီလူးရာ (အသက္ ၂၂ ႏွစ္)
  3. ဟလမ္ဟာတီလူးရာ (အသက္ ၂၂ ႏွစ္)
  4. ဆာဒိုအန္ (အသက္ ၂၃ ႏွစ္) le
  5. ထြက္ကေရာဂ်င္ (အသက္ ၂၅ ႏွစ္) hna an si.

Cun, Yangon ah a ummi Myanmar rammi Pu Thar Htun Aung i a fapa Zaw Min Aung, kum 38 le amah nih a hruaimi Bangladesh rammi 7 an si. Anmah 7 zong cu Bangladesh ram, Rangamati pengah a ummi an si hna.

Minung 7 hna cu;

  1. Hla Sui Ching Marma, kum 26,
  2. Pai Sa Thui Marma, kum 23,
  3. Chaindu Aong Marma, kum 25,
  4. Su Shiching Marma, kum 25
  5. Thaing Hla Saing Marma, kum 21
  6. U Sa Thuai Marma, kum 30 le
  7. Shchingu, kum 31 hna an si.

Phungninglo in Chin state, Rihkhuadar ah a lutmi Myanmar rammi 2 le Bangladesh rammi 12 hna cu tazacuai dingin Lahwahkah le palek nih an timhtuah lio a si i Rihkhuadar palek sakhan ah an hren hna. — Khonumthung

Lian cu Seihnam Journal ah Editor-in-chief a rak ṭuan. UNHCR zung i RSC department ah kum 4 chung holhlet le calet a ṭuan pah in Faiceu Journal ah 'editor' in a rak bawm pah hna. 2017 ah The Chin Express a dirh i ni fatin Chin thawngpang le vawlei cung thawngpang phunkip a ṭial.