Chin state ah Suu Kyi a phan

Myanmar Ruahnak Petu Pi Aung San Suu Kyi cu tu zingka 9:20am hrawng ahkhan Chin state, Kanpetlet khuapi ah a phan.

Pi Suu Kyi cu a phak hnu ah hotel ah tlawmpal aa din i 10am hrawngah ေခၚႏုစုမ္ tlang ah a kal, tiah Chin World nih a ttial.

Tutan hi Rampi Ruahnak Petu a si hnu ah avoi 1nk bik Chin ram a phanh si.

NLD acozah nih cun, “Pi Aung San Suu Kyi, Kanpetlet a tlawnmi hi Caankarlak Thimnak he aa pehtlai lo, ram hruaitu pakhat sinak in a tlawnmi tu a si,” an ti.

Photo: ဝီလ်န္ႏိုင္း၊ Ling Naing

Nain, Kanpetlet khuapi ah zei kong dah a chim lai i zei dah a tuah lai, Chin state khualipi Hakha le adang khuapi hna ah a kal pah lai maw ti thawngpang tu cu a leng rih lo.

November 3 khi Kanpetlet le Matupi pengah MP 1 veve a lawngmi hmun i cuh ding a si.

Kanpetlet pengah MP 1 hmun a lawngmi an i cuh ding cu Rampi Hlutdaw Niam (Pyithu Hlutdaw) MP a si, Matupi peng i cu Chin State Hlutdaw MP a si.

Photo: ဝီလ်န္ႏိုင္း၊ Ling Naing

Kanpetlet peng i Rampi Hlutdaw Niam MP cu party 4; CNDP, CPP, NLD le USDP an i cuh lai.

Matupi peng i Chin State Hlutdaw MP cu CLD le NLD lawng an i cuh lai.

Matupi le Kanpetlet peng ah vote a thla kho minug 30,055 an um. Kanpetlet peng ah vote a thla khotu minung 12,451 an um i a taangmi minung 17,604 cu Matupi peng ah si.

Photo: ဝီလ်န္ႏိုင္း၊ Ling Naing

Atu lio hi Myanmar ram pumpi ah MP thutden 13 a lawng. Hlutdaw Sang (Amyotha Hlutdaw) ah 1, Hlutdaw Niam (Pyithu Hlutdaw) ah 4 le state le regions hlutdaw ah 8 an lawng.

Mah caah cun November 3 khi caankarlak thimnak tuah an timhnak a si.

Lian cu Seihnam Journal ah Editor-in-chief a rak ṭuan. UNHCR zung i RSC department ah kum 4 chung holhlet le calet a ṭuan pah in Faiceu Journal ah 'editor' in a rak bawm pah hna. 2017 ah The Chin Express a dirh i ni fatin Chin thawngpang le vawlei cung thawngpang phunkip a ṭial.