Chin state chungin a chuakmi Tawlreba a tthat i ramdang ah zuar kho dingin Tawlreba carnak sehzung pakhat cu 2019 ah kan sak lai tiah Chawlehnak Vuanci Zung in Vuanci chang U Aung Thu nih a chim.

July 24 ah tuahmi a voi 9nk Amyotahluttaw meeting ahkhan Japan le Tuluk ram in an cawk ngaimi Tawlreba hi ramdang ah zuar kho dingin timhtuahnak um le um lo an hal i a tu bantuk in a leh hna hi a si.

 

Chin state chungin a chuakmi Tawlreba cu a that i ramdang ah zuar kho dingin Kanpetlet peng ah a ummi Victory Garden company i Kanpalay sehzung ah atu hi Tawlreba car hram an thok cang.

Tawlreba pawl cu an ttawl, pen tein an per hnu ah seh in an car. Atu ahcun electric thazaang a zatawk um lo ruangah solor hmangin an car tiah U Aung Thu nih a ti.

Atu hi Myanmar ram nih Tawlreba a carmi pawl cu Japan, Korea le Singapore ram hna ah tinbaw in a kuat. Tawlreba dip cu Japan, Malaysia le UAE ram hna ah a kuat. Cun, Tawlreba a hringmi le a carmi hi Tuluk ram ah a kuat.

Tawlre i aba hi fah daihnak, phin zornak, chung nemnak, thli-teinak sii (anti-flatulence), hurnak-sii (aphrodisiac), titsa no deuhnak sii ah an hman. Minung caah ngandamnak sii tampi aa tel.

Minung chungril ummi khuprungrul le tawhaiherh tibantuk thahnak, khuh damnak sii, thli chuahternak sii, chungfer damnak, thi-tlawm zawtnak thlopnak ca ah an hman.

Tawlre hi thingkung tamnak le hmunhma chia ngai ah a keu i, rili in meter 800 cung a sannak lawng ah an keu.

Tambik a keuhnak ram hna cu, Australia chaklei, Bangladesh, Borneo, Burma,Fiji, India, Indonesia, Japan, Laos, Malaysia, New Guinea, Philippines, Samoa, Sri Lanka, Sulawesi, Taiwan, Thailand, Tuluk le Asia nichuahthlanglei ram hna ah an cin hna.

Kawlram le Chin state ahcun naite lawng in cinmi a si. Tawlre hi India le Sri Lanka ram ah an cinnak cu chan tampi asi cang.

SOURCEKhonumthung
Lian cu Seihnam Journal ah Editor-in-chief a rak ṭuan. UNHCR zung i RSC department ah kum 4 chung holhlet le calet a ṭuan pah in Faiceu Journal ah 'editor' in a rak bawm pah hna. The Chin Express dirh a duh caah 2017 ah RSC ah rian dinhnak ca a ap i ni fatin Chin thawngpang le vawlei cung thawngpang phunkip a ṭial.

Zeitin na ruah?

Zaangfah na comment ṭial!
Zaangfah tein ka hin a min ṭial