China cozah palai nih Chin ram cozah a ton lai

Hakha – Tuluk (China) cozah palai Pu Hong Liang nih Chin ram cozah cu tu zaanlei 6:30pm (Hakha caan) ah a ton lai, tiah Lamsual Vuanci Pu Sui Thio nih a chim.

Tuluk palai Pu Hong Liang cu zahan zaanlei ahkhan Kalaymyo khuapi a phan i tu zingka ah Chin khualipi Hakha ah a ra.

Chin ram Lamsul, Mei, Cinthlaknak le Fimcawnnak kong he pehtlai in Chin ram cozah a rak ton hi si, mah kong hi biapi bikin an ceih lai, tiah Pu Sui Thio nih a chim.

“Kanmah Chin ram cozah he aa ton tikah thil sining cu kanmah lei nih kan chimh lai i amah nih zeitin dah China nih kan in bawmh khawh hna lai ti a chim ve te lai,” tiah Lamsul Vuanci nih a chim.

Myanmar ram um China Tanzung hruaitu Pu Hong Liang cu tutan hi avoi khatnak bik Chin vawlei a lamh si. — Khonumthung

Lian cu Seihnam Journal ah Editor-in-chief a rak ṭuan. UNHCR zung i RSC department ah kum 4 chung holhlet le calet a ṭuan pah in Faiceu Journal ah 'editor' in a rak bawm pah hna. 2017 ah The Chin Express a dirh i ni fatin Chin thawngpang le vawlei cung thawngpang phunkip a ṭial.