Chinmi chungin US Ralkap a ttuanmi cheukhat pawl

Chin khrihfa hna cu Pathian dawtnak thawngin cawhnuk le khuaihliti a luannak vawlei cung ram ttha bik ah kan phan, kan phanhnak ram zongah ram kilvengtu ralkap tiang kan ttuan kho ve cang. Mah chungah kan theih khawh tawk hna cu;

1. Joseph Cunglianuk Sakhong

Pu Zapeng Sakhong a fapa Joseph C. Sakhong
US Vanlawng Ralkap Joseph Cunglianuk Sakhong

Joseph C. Sakhong cu kum 2015 ah US Air Force (Vanlawng Ralkap) degree a la. Pu Zapeng Sakhong le Pi Stella Partinmawi hna i an fapa a si. Thantlang peng, Zophei tlang, Aibur khuami a si.

2. Sergeant Thawnglian Mang Mualcin

Sergeant Thawnglian Mang Mualcin
Sergeant Thawnglian Mang Mualcin – US Army

Thawnglian Mang Mualcin cu US Army ah kum 7 leng a ttuan cang i senthum/sergeant tiang a phan cang. Afghanistan ram ah kum 1 chung Taliban ralhrang a rak do. Ni kum zong kum 1 chung Middle East ah ral a do.

Ral ram a kal lo caan ahcun Lewisville khuapi ah palek officer an ttuanter (US ralkap cu US cozah nih a herhnak paoh ah a hman hna). Atu hi US Lahwahkah (ICE) a kemh lai.

Hakha peng, Vantlang khuami Pu Zammang Mualcin le Pi Ninon S Mualcin hna i fapa 3 lakah fapalai a si.

3. Tg Muan Pi

Muan Pi, President Trump le Muan Pi apa Thang Lian Pau

Tg Muan Pi cu US Vanlawng Ralkap a ttuan liomi si. President Donald Trump nih a umnak Inn Raangpi ah rianttuan dingin a lak.

Atu bantukin Inn Raangpi (White House) ah Zomi rian a ttuan hi avoi khatnak bik si, tiah ZGT nih a ttial.

President Donald Trump pumpaak nih Inn Raangpi ah a auh i lawmhpinak tazeih laksawng pawl zong a pek. Hringtu apa he Inn Raangpi ah ra dingin Pu Trump nih a sawm hna hi si.

Tg Muan Pi cu Pu Thang Lian Pau le Pi Cing Za Lun hna i an fapa a si. Chin state, Tedim peng i Leilum khuate mi an si, tiah kan theih.

US in Germany ram ah kum 5 deng Vanlawng Ralkap a va cawn hnu ah a rung kirmi a si, i atu cu US President umnak Inn Raangpi ah rian a ttuan lio si, tiah ZGT nih a ttial.

4. Major. Patrick Van Lian Uk

major patrick van lian uk
Major Patrick Van Lian Uk

Patrick Van Lian Uk cu Ti Ralkap (Marine Corps) ah bawi/major pakhat a si ve. Chin state, Falam peng ah a rak chuak. Kum 13 a rak si lio kum 1986 ah US ram a phan. Kum 2000 ah US ralkap a lut i atu cu ralbawi/major dirhmun tiang a phan.

US Marine Corps rank a niam bikin a sang bik tiang
US Marine Corps rank a niam bikin a sang bik tiang

Chinmi chungin hi tluk rank sang phak khawh cu lawmh a um taktak.

Atu hi Headquarters Marine Corps – Pacific Plans, Policies and Operations ah a ttuan lio si. Falam mi zumtu hmasa bik Pu Thang Cin i a tupa si – ka hmet law relchap

5. David Sang Za Lian

David Sang Za Lian
David Sang Za Lian – Hmanthlak: Scariahbuk

David Sang Za Lian cu US Ti Ralkap (Navy) i rilitanglawng (submarine) lei ah a ttuanmi si. Thantlang peng, Dawn khuami Pu Za Dun le Pi Tial Khen hna i an fapa a si. 2004 February 4 ah US ram a phan.

“Ralkap um daan ahhin Army le Air Force hi rianttuantti deuh an si. Navy le Marine hi rianttuantti kan si. Cun, Coast Guard timi hi an um ve. Army le Air Force ahhin Air Force cu intelligent lei an si le Army hi raldotu deuh an si. Cu bantuk cun, Marine hi kutke raldoh lei an si le Navy nih tinbaw (ships) in kan phurh hna le kannih cu tinbaw cungah kan um. Coast guard hi cu US ram chung zohkhenhtu deuh an si, a dang poh hi cu US nih an kan herhnak poh ah kan kal.”

“Navy le Air Force hi a standard a sang cemmi a si. Ziah ti cun, kannih hi cu intelligent lei rianttuanmi kan si ruangah a fimkhur deuhmi an herh hna,” tiah David Sang Za Lian nih Scariahbuk nih US ralkap kong an hal lio ah a rak chim.

Naite ah President Donald Trump nih Space Force (Van Ralkap) a dirh chap. US ralkap phun 6 a um cang.

6. Zoenpari Chhakchhuak

zoenpari
US Vanlawng Ralkap Zoenpari Chhakchhuak

Ngaknu Zoenpari, kum 19 cu 2018 January ah US Air Force training aa lim. US Vanlawng Ralkap tinttan hi a har tuk caah nu nih an rak lim kho bal lo. Chin nu hi apa 1nk a si.

Zoenpari cu Pu Dave Chhakchhuak le Pi Zothannguri Ralte hna i an fanu a si. Mizoram state khualipi Aizawl ah a rak chuak.

Chin miphun cu Tuluk ram, Chinlung tlangin kan ra i Kawlram, Sagaing ramtthen, Rakhine state, Chin state, Mizoram state (India) le Bangladesh hna ah Mizo, Zomi, Laimi, Kuki, Asho, Cho, Mro, Khumi, tbk. in kan i tthen cio. Nihin ahcun Malaysia, US, Australia le Europe ram tampi tiangah kan i tthen chin. Kan phanhnak ram hoih in kan rammi sinak (nationality) cu i thleng ko hmanh sehlaw kan miphun sinak (ethnicity) cu aa thleng kho lo, kan dihlak in Chinlung chuak (Chinmi) kan si.

7. Elijah Van Tha Hmung

Elijah Van Tha Hmung
Elijah Van Tha Hmung – US Air Force

Elijah Van Tha Hmung cu US Vanlawng Ralkap ah a ttuan lio si. Thantlang peng, Zephai khuami Pu Ca Kung fapa a si. Indianapolis khualipi um CBCC khrihfabu chungtel a si.

8. Mai Ngun Cer Chin

Mai Ngun Cer Chin
Mai Ngun Cer Chin – US Navy

Mai Ngun Cer Chin cu US Ti Ralkap (Navy) academy a dih cang. Thantlang peng, Hmongtlang khuami Pi Ngun Par fanu a si i CBMC khrihfabu chungtel a si.

9. Elvis Sang Cenhrang

Elvis Sang Cenhrang
Elvis Sang Cenhrang – US Army

Elvis Sang Cenhrang @Elvis Lal Muan Sang cu US Army ah a ttuan liomi si. A nulepa min le a khua kan thei kho rih lo, kan hlat lio si – a hngalmi nih comment ah kan chim ve…

10. Ceu Thawng Lian

ceu thawng lian
Elvis Sang Cenhrang, le Ceu Thawng Lian – US Army

Ceu Thawng Lian cu US Army a ttuan liomi a si. A nulepa min le a khua kan thei kho rih lo, kan hlat lio si – a hngalmi nih comment ah kan chim ve…

11. Peng Thang

US President hlun Bush nih US Ti Ralkap sianginn a kai liomi tlangval Peng Thang le a nulepa a ton hna lio

Tlangval Peng Thang cu US Ti Ralkap (Marine Corps) sianginn a kai lio si. Chin State, Hakha Peng i Zokhua ah a rak chuakmi a si.

12. Val Cung Hlei – US Marine

Val Cung Hlei - US Marine
Val Cung Hlei – US Marine

13. Chin Hnin Thang – US Army

Chin Hnin Thang - US Army
Chin Hnin Thang – US Army

14. Moses Bawi – US Army

Moses Bawi - US Army
Moses Bawi – US Army

15. Bawi Kung Thang – US Navy

Bawi Kung Thang - US Navy
Bawi Kung Thang – US Navy

16. Bawi Kung Thang – US Navy

Bawi Kung Thang - US Navy
Bawi Kung Thang – US Navy

US ahcun Chinmi chungin palek a ttuanmi zong an tam pah ngai cang.

##Australia

Australia Vanlawng Ralkap (Australia Air Force) zongah Flight Lieutenant Dr. Muan Thang a um. Chin state, Tonzang peng i Luangel khuate ah a rak chuakmi a si.

Dr. Muan Thang
Australia Vanlawng Ralkap Dr. Muan Thang

Hmailei ahcun khuabawi (mayor/CCC), state cozah lutlai (governor) le rampi cozah lutlai (president) tiang kan phante kho.

Kan theih lomi tampi an um rih lai, comment ah kan chim ve…

Lian cu Seihnam Journal ah Editor-in-chief a rak ṭuan. UNHCR zung i RSC department ah kum 4 chung holhlet le calet a ṭuan pah in Faiceu Journal ah 'editor' in a rak bawm pah hna. 2017 ah The Chin Express a dirh i ni fatin Chin thawngpang le vawlei cung thawngpang phunkip a ṭial.