Chinmi Nih Tuanbia Thar Kan Ttial

Australia Parliament House innpi chung ah a ummi Prime Minister Office zungkhan chung ah Australia Chinmi Upa hna le CHRO Upa hna nih The Hon. Scott Morrison MP, Prime Minister of Australia cu dotla tein (official tein) kan ton.

Chinmi tuanbia ah atu bantuk in Prime Minister nih vawleicung ram hruaitu Upa hna a ton tawnnak hna a zungkhan chungah dotla tein (official tein) a kan ton cu, Chinmi tuanbia ah a voikhatnak a si.

Updated: Australia Chin Communities Le CHRO Nih Australia Cozah An Tonnak Kong Thawng Fianternak – ka hmet law relchap

Biaruahnak kan tuah hlan ah Prime Minister hmanthlatu nih official tein hman a kan thlak ta hmasa.

Kan ton lio ah Myanmar Ram ah Australia nih an thlah ding mi Ambassador thar ding theihter nak zong a kan tuah i amah Ambassador nu zong kan Meeting ah a tthut ter ve.

Australia i a rak ra thar mi miphun vialte hna lak ah zohchunh awk tlak bik nan si tiah a kan thangtthat.

Naite zongah CHRO le Australia um Chin upa hna nih, ralzaam le nuhrin covo kong ah a biapi tukmi Australia cozah zung “Joint Standing Committee on Foreign Affairs and Trade, Human Rights Sub-Committee” cu tlamtling tein kan ton khawh hna.

Hi tonnak vialte a kan tawlrel piaktu le a kan hruaitu cu Senator Dean Smith a si.

An Chairman pa the Honourable Kevin Andrews MP zong a zungkhan ah a dang tein tonnak le biaruahnak kan ngei kho.

CHRO Executive Director Pu Bawi Lian Mang le Program Director Sang Hnin Lian nih Chinram i a tu lio Human Rights dirhmun an chimh hna.

Chin state ah Australia Cozah nih tthanchonak tam deuh in ttuan ding kan nawl hna.

Australia Chinmi Kan tthanchonak le kan tthatnak kong kan chimh hna. Cahmai 60 a chah mi Cauk in kan ttial mi zong kan pek hna.

Malaysia le India i a taangmi Chin ralzam pawl an dirhmun le an kong kan chim.

Australia Parliament Innpi chung ah Chinmi a kan dawtu le a kan dirkamhtu Senator Dean Smith kan leng.

A tu tan Australia Cozahpi tonnak ah a kan tawlrelpitu a si.

Hmai zarh ah Malaysia Prime Minister le Malaysia UNHCR Chief hna zong a ton hna lai.

Cattialtu: Renny Ceu L Mang le Ca Lian Thang (Australia)

Azi cu Faiceu Journal website ah kum 1 leng thawnggpang a leh hnu ah The Chin Express (theihtlei.com, thechinexpress.com le thechinexpress.info) ah kum 3 chung thawngpang 2,000 leng a let/ṭial cang.