Chinpa Timothy Joel Sai le Nawl Nei Uk cu The X Factor Myanmar hlasak zuamnak ah an tla ruangmah cang.

Zahan zaan ahkhan Duet Theme i Result Show an tuah i an tlak hi a si. Atu ahcun Hein Htike, Too Layle le Sai Yan Naung lawng an tang cang.

Niruk zaan tuahmi Duet Theme ah T&Tim cu hlasak thiam Kawni nih a sakpi hna. Hika ah an hla ngaih khawh a si.

Result Show ah Hein Htike le Sai Yan Naung cu top 2 ah an kai colh. T&Tim le Too Lay cu save song in an i zuam. Judge 3 nih top 3 kai dingah Too Lay an thim ruangah T&Tim an tlak hi a si.

Timothy Joel Sai hi Zatlang khuami a si i Nawl Nei Uk@Thein Kyaw Htun hi Falam khuami a si.

Facebook ah mi tampi nih T&Tim cu an soisel tuk hna. Nain, T&Tim nih hmaipanh te le biathlum tein mipi cu an leh tawn hna. Cu kongah, biakhiaktu L Seng Zi nih a thangthat len hna i Bawipa nih thluachuah in pe hna seh a ti hna.

Azi cu Faiceu Journal website ah kum 1 leng thawnggpang a leh hnu ah The Chin Express (theihtlei.com, thechinexpress.com le thechinexpress.info) ah kum 3 chung thawngpang 2,000 leng a let/ṭial cang.