Chinpa 2 T&Tim Thazaang Pek Khawh An Si

The X Factor Myanmar 2018 hlasak zuamnak ah atu hi Chinpa T&Tim an i zuam lio a si. Thazaang pek a duhmi nih vote khawh a si.

Zahan zaan ahkhan ‘This Is Me’ Theme in Live show an i zuam i T&Tim cu “Welcome To Chinland” hla in an i zuam. T&Tim an code cu X07 a si.

T&Tim vote pek na duh ahcun:

MPT simcard aa tlaihmi nih 8606 ah Xo7 tiin na kuat lai.
Telenor simcard aa tlaihmi nih 6666 ah Xo7 tiin na kuat lai.
Ooredoo simcard aa tlaihmi nih 6002 ah Xo7 tiin na kuat lai.

Online zong in vote pek khawh an si. A tanglei link hi hmet law vote pek khawh an si.

https://apps.facebook.com/forevergroupmyanmar/the-x-factor-myanmar-2018?fbclid=IwAR2h1Fp58BiKeKZfnavY5Z_4Z4HMVmiuFiKenAOnZXJfXfIpFi7k_URo8ik

Tu zaan ah za han an i zuammi Result Show thanhnak a um lai. Mipi vote pek tlawmtam zoh in a kai ding le a tla ding thanh a si lai. Vote cu host nih kan phih cang a ti hlan paoh (sml 24 chung) pek khawh a si.

Tu zaan sml 9 (Myanmar caan) ah a tangmi group 12 chungah vote tlawmbik a hmutu group 1 a tla lai.

The X Factor Myanmar 2018 hlasak zuamnak ah form apmi hi minung 1,000 an si. Cu chungah minung 250 lawng audition (awhneksak) an si i live show zuamnak caah a thiambik timi group 12 (minung 16) lawng thim an si.

The X Factor Myanmar 2018 Judges

The X Factor 2018 hlasak zuamnak ah biakhiaktu pawl cu L Seng Zi, Graham, Zam Nu le Za War hna an si.

The X Facetor 2018 hlasak zuamnak cu Nirukni le Zarhpini fatin Mrtv-4/The X Factor Myanmar Facebook Page ah 9pm (Myanmar Caan) in zoh khawh a si.

Azi cu Faiceu Journal website ah kum 1 leng thawnggpang a leh hnu ah The Chin Express (theihtlei.com, thechinexpress.com le thechinexpress.info) ah kum 3 chung thawngpang 2,000 leng a let/ṭial cang.