Indianapolis: Chin’s Got Talent Season 3 a rauh hlan ah an thok tthan cang lai. February 1-2, 2019 ah aw hneksaknak (audition) a um lai, a hmun cu Chin Center ah si lai.

January 31, 2019 tianglawng min pek khawh si lai. Zuamnak ah tel a duhmi paoh nih Chin Community Of Indiana (CCI) Facebook messager silole (317)985-1379 ah chawn silole cakuat khawh si lai.

Zuamnak ah hin Indianapolis khua chung ummi lawng siloin US ram chung hmun zakip in rak i zuam khawh a si.

Chin’s Got Talent cu Chin Community Of Indiana (CCI) nih a tawlrelmi le a sponsormi a si.

Chin’s Got Talent Season 3 i pakhatnak laksawng cu $3,000, 2nk laksawng $1,000 le 3nk laksawng $500 hna an si lai.

Chin’s Got Talent Season 3 ah a thiambik 3 (top 3) chungin winner cu Chin National Day i second program zaan ah thanh a si te lai.

Chin mino hna nih an ngeihmi pahrang hi inn chungah i umpi sawhsawh loin ramdang level phan dingin cawisan an duh caah hihi ICC nih a tuahmi a si.

Chin’s Got Talent Season 2 pakhatnak laksawng cu Honey Khuaitizuu nih a rak co. _ CCI

Azi cu Faiceu Journal website ah kum 1 leng thawnggpang a leh hnu ah The Chin Express (theihtlei.com, thechinexpress.com le thechinexpress.info) ah kum 3 chung thawngpang 2,000 leng a let/ṭial cang.