CNA ralkap nih Chin (Tedim) 4 an thah hna kum 22 tlin philhlonak an tuah

Phualva Lungtuak Media – Kum 1996 December 17 zaanttim 1am ah Chin National Army (CNA) hriamtlai pawl nih Saizang khuabawi Pu Zel Za Langh (Ralbawi-aa dinmi), Pyithusit Pu Pau Khan, khuami Pu Khai Khan Dal le Pu Pum Khan Tuang hna cu minung lo bang mah miphun lila chiakha tukin an rak thah hna.

An thah hna nak kum 22 tlin philhlonak le upatnak cu Saizang khua ah nizaan December 17 zaanlei 4pm ah uknak lei le mino hna hruainak in an tuah.

Photo credit: Zam pu

Mah kong he pehtlai in, CNA nih Chin nunphung in siseh, minung zawnruahnak lei zongin siseh, ttuanvo laknak pakhat hmanh a umlo.

Tedim khuapi ah nan onmi pehtlaihnak zung le Bukphil, Zimpi le Zimte khuate hna ah hramhbunh in nan ummi hi a ran khawh chungin tthial uh tiah kan in nawl hna.

CNA a cohlangmi khua le pengtlang lawngah va um le zung on dingin kan in forhfial hna.

Lian cu Seihnam Journal ah Editor-in-chief a rak ṭuan. UNHCR zung i RSC department ah kum 4 chung holhlet le calet a ṭuan pah in Faiceu Journal ah 'editor' in a rak bawm pah hna. 2017 ah The Chin Express a dirh i ni fatin Chin thawngpang le vawlei cung thawngpang phunkip a ṭial.