CNDP nih Kanpetlet ah mipi vote sawmnak an thok

Chin National Democratic Party (CNDP) nih nizaan October 28 in Kanpetlet pengah mipi vote sawm an thok cang.

November 3 ah tuah ding Kanpetlet peng Pyithu Hlutdaw palai (MP) thimnak ah CNDP in U Kee Thang Lon aa cuh lai.

CPP (Chin Progressive Party) zong nih CNDP in aa cuh ding U Kee Thang Lon hi vote cio usih, tiin October 19 ah thawng a thanh.

Kanpetlet peng i Pyithu Hlutdaw MP hmun cu CNDP, NLD, USDP le CPP an i cuh lai.

Chin party 3; CNDP, CPP le CLD hna cu September 29 ah CNLD (Chin National League for Democracy) tiin an i fonh cang ko nain license an sokmi a tlamtlin thlu rih lo ruangah le Rampi Thimnak Tuahtu Bu (UEC) nih ‘November 3 ah aa cuh ding min cazin cu April thla ah ap dih ding…’ a ti ruangah an rak i fonh hlan party ning cio in an i cuhnak hi si.

Chin party 3 an i fonh taktak cang – ka hmet law relchap

Chin party pawl (ZCD dah lo) cu 2015 thimnak ah MP pakhat hmanh an rak ngah lo caah Rampi Remdaih Khuakhannak (21st Century Panglong Conference) ah an i tel kho lo. Tutan tal ah an ngah hnga maw..

Thimnak tuah lai ni 8 aa duh, October 25 ah Rampi Ruahnak Petu Aung San Suu Kyi (NLD party lutlai) cu Kanpetlet khuapi ah a rung phan i khua nupa sinah biachimnak a ngei.

Chin state cozah lutlai (NLD) Pu Lian Luai le Magway ramtthen cozah lutlai (NLD) U Aung Moe Nyo zong October 9 ah Kanpetlet khuapi ah an ra i mipi sawmnak an rak tuah.

USDP lutlai U Than Htay zong October 3 ah Kanpetlet khuapi ah mipi vote sawmnak a rung tuah ve. — Zalen

Kanpetlet pengah um law zei party dah na vote lai? Comment..

  • CNDP
  • CPP
  • NLD
  • USDP
Lian cu Seihnam Journal ah Editor-in-chief a rak ṭuan. UNHCR zung i RSC department ah kum 4 chung holhlet le calet a ṭuan pah in Faiceu Journal ah 'editor' in a rak bawm pah hna. 2017 ah The Chin Express a dirh i ni fatin Chin thawngpang le vawlei cung thawngpang phunkip a ṭial.