Cristiano Ronaldo cu £99.2million in Juventus nih a cawknak kum 1 lawng a si rih nain naite ahkhan bawlung chuih rian in dinh/lo kong a chim manh cang.

“Ka rian hi hmai kum zongah ka chuak tak khawh men. Nain, kum 40 silole kum 41 tiang zong ka peh khawh men. Ka thei rih lo, ka chim zungzalmi cu atu lio caan i nuam tein um hi biapibik ah ka chiahmi si ko” tiah kum 34 si cangmi Cristiano Ronaldo nih Portugal channel TV1 ah a chim.

“A sunglawi tukmi bawlung chuih thiamnak laksawng ka ngeihmi hi nuam tein ka hman khawhnak hnga bawlung ka chuih peng rih hau ko,” tiah a chimchap.

Cristiano Ronaldo cu vawlei cung bawlung chuih thiambik laksawng Ballon D’or voi 5 ngah cangmi a si.

“Keimah nak in record tam deuh a ngeimi bawlung chuih thiam hotel an um maw? Keimah nak in record tam deuh a ngeimi bawlung chuih thiam pakhat hmanh an um lo tiah ka ruah,” tiin Cristiano Ronaldo nih a chim fawn.

Juventus cu Zarhteni ah Parma he an chuih lai.

Azi cu Faiceu Journal website ah kum 1 leng thawnggpang a leh hnu ah The Chin Express (theihtlei.com, thechinexpress.com le thechinexpress.info) ah kum 3 chung thawngpang 2,000 leng a let/ṭial cang.