CYO Cup Final an chuih cang lai

Kuala Lumpur – Tuni October 13 zingka 8am in zaanlei 7pm tiang Sungai Besi celtual ah CYO Cup final an chuih lai.

Tuni hi quarter in final tiang team 8 bak an i phomh lai caah caan nih a kan zao lai lo i laksawng kan i pe manh lai lo, tiah CYO Malaysia nih The Chin Express ah a chim.

Laksawng cu, Chin ram in a ra ding awttha Ni Len Par Mawi le adang 7 nih November 5 zaanlei ah an pek te hna lai.

November 5 zaanlei 1pm in 6pm tiang Chinese Assembly Hall ah CYO Concert an tuah lai. Mah tikah CYO Cup i pakhatnak, pahnihnak le adang teinak a hmutu vialte cu Chin ram awttha nih laksawng an pek te hna lai.

CYO Cup latu laksawng cu RM2,000 le trophy a si lai.

Pahnihnak laksawng RM1,000 a si lai. Hmasa ahcun RM800 an ti nain RM1,000 ah an kai.

Pathumnak laksawng a um lai lo nain atanglei langhtermi laksawng pawl hi an um lai;

  • Hmaikal thiambik
  • Alaikal thiambik
  • Hnukham thiambik
  • Goal bawh thiambik
  • Voi tambik a goal tu
  • A chuihmi vialte lakah a thiambik
  • Kum 20 tang mino lakah a thiambik

Ningchim (coach) thiambik laksawng zong a um lai.

CYO Cup ah team 13 an i zuam kho;

  1. Matu FC
  2. Aidak FC
  3. Legend FC
  4. Chinstar FC
  5. Kepong FC
  6. Falam FC
  7. Chinland FC
  8. Dingdi FC
  9. Vazun FC
  10. Bravo FC
  11. Deirel FC
  12. Calvary FC le
  13. Vaurawng FC hna an si.

Tuni CYO Cup final ah CYO Concert zohnak ticket an zuar pah lai. Ticket cu RM50 in an zuar lai.

CYO Concert caah awttha an sawmmi hna cu;

  1. Ni Len Par Mawi
  2. Cung Hlei Lian
  3. Esther Dawt Chin Sung
  4. Siang Lian Tum
  5. Ce Ce
  6. Tial Leng Cuai
  7. Paling le
  8. Nacholas hna an si.
Lian cu Seihnam Journal ah Editor-in-chief a rak ṭuan. UNHCR zung i RSC department ah kum 4 chung holhlet le calet a ṭuan pah in Faiceu Journal ah 'editor' in a rak bawm pah hna. 2016 ah The Chin Express a dirh i ni fatin Chin thawngpang le vawlei cung thawngpang phunkip a ṭial.