Esther Dawt Chin Sung cu Singapore CND ah hlasa dingin a kal lai

Esther Dawt Chin Sung, Chin Idol 2017 ngahtu cu Singapore um Chinmi nih Chin Miphun Ni ah hlasa dingin an sawm.

Lai Christian Fellowship [Singapore] nih Chin Miphun Ni ah hlasa dingin Esther Dawt Chin Sung an sawm hi si.

Falam Christian Fellowship, Singapore nih awttha Benjamin Zahau an sawm ve.

Mizo Christian Fellowship, Singapore zong nih awttha J Malsawmtluanga sawm a si. 

Kawlram um Chin awttha 3 bak nih nuam taktak le sunglawi takin chun nitlak caan an hmanpi hna lai.

J Malsawmtluanga hla

Chin nunphung laam phunkip le nunphung thuamthil hmuhsaknak te hna zong an tuah lai. 

Chin Miphun Ni taktak cu February 20 a si ko nain, Singapore cu rianttuannak ram a si bang February 20 (Nithumni) cu rianttuan an hauh cio caah February 17 (Zarhpini) ah an tuah lai.

  • A Ni: – 17 February 2019 
  • A Caan: – 12pm – 4pm
  • A Hmun: Carnival Cinemas theaters 
  • Address: Golden Mile Tower@ Level 3, 6001 Beach Road 

Aa naih bik nak MRT Circle line, Nicoll Highway MRT

Benjamin Zahau hla

Malaysia Chinmi an car

Malaysia Chin Miphun Ni cu awttha an sawm ti hna lai lo. Ni kum Chin Miphun Ni ah an sawmmi awttha Jenevy Sui cu stage cung i hla a sak lio ah pa pakhat nih tang in a dawh i a tla dengmang. A khuk zong a kok dih.

CYOM nih concert an tuah lio zongah Nilen Parmawi cu pangpar in an cheh.

Malaysia um Chinmi cheukhat chimh an har tuk ruangah, Avoi 71nk Chin Miphun Ni [Malaysia] cu ramdang Chin awttha an sawm ti hna lai lo.

Lian cu Seihnam Journal ah Editor-in-chief a rak ṭuan. UNHCR zung i RSC department ah kum 4 chung holhlet le calet a ṭuan pah in Faiceu Journal ah 'editor' in a rak bawm pah hna. 2016 ah The Chin Express a dirh i ni fatin Chin thawngpang le vawlei cung thawngpang phunkip a ṭial.