Chin state: Falan peng, Rikhawdar khua ah mipi nih an hmanbik mi tihram cu a reu thluahmah caah dinti an har ngaingai tiah kan theih.

Rikhawdar khuami nih an hmanbik mi ti-hram a reu thluahmah caah khuami dinti an har lawng siloin sizung zong ah ni 3 chung ti a pit tiah No.1 sangbawi nih a chim.

“Tu kum hi ni kum nakin ti a har deuh. No.1 sang hi ti inn 3 in ti pek an si. Ti pep he aa neihnak ah a ummi cu atu tiang ahcun an i relrem ngai. A dang cu ni khat chung ah gallon 5 hna lawng ti an hmu. Kan hnu zarh hoi hna kha sizung ah ni 3 chung ti a pit,” tiah sangbawi nih a chimchap.

Atu hi ti kongah khuabawi, sipin le sangbawi i bawm in an cawlcang cuahmah.

Khuami nih ti a za in an hmu kho lo nain atu tiang ahcun an i relrem deuh rih ko. March thla hrawng tu khin ti an har taktak lai tiah theih a si.

Khuami cheukhat cu Rih Tidil ti an than i an hmang. A haw/rim a that lo caah din awk ahcun a tha lo nain motorcycle in a than len.

Rikhawdar khuami nih hin kum fatin ti har an ton caah zeitik caan poah ah khuami nih fawi tein dinti an hmuh khawh nakhnga Rikhawdar in meng 20 a hlatnak ah ti lakpiak dingin Aung San Suu Kyi sinah an hal. _ Khonumthung

Azi cu Faiceu Journal website ah kum 1 leng thawnggpang a leh hnu ah The Chin Express (theihtlei.com, thechinexpress.com le thechinexpress.info) ah kum 3 chung thawngpang 2,000 leng a let/ṭial cang.