[Updated] Hakha – Buanlung khuami tlangval Tha Thawng Kam cu December 21 ah accident in a nunnak liam.

CACC zung hmai ah a dirmi motor cu Tha Thawng Kam nih motorcycle in a pahsual tiah zumh a si. Motorcycle accident a tonnak pawngah motor a dirmi um.

December 21 zaan 8:30pm hrawngah thi le hnai he an hmuh.

A hmutu nih Hakha sizung ah an kalpi colh ko nain sizung an phanh tlawmpal ah chanh khawh loin a nunnak liam.

A hmutu pawl nih aho si an hngalh lo caah Facebook account Vantingtang le Rollin Lian nih “a hngalmi nan um maw?” tiin Facebook ah bawmh an hal hnu ah Buanlung khuami Tha Thawng Kam a si an hngalh hi si.

Tha Thawng Kam cu Buanlung khuami Pi Ngun Tin le Pu Thang Uk hna i an fale 5 lakah 2nk a si.

An chungkhar ningin Buanlung khua ah a ummi an si.

A kum dikthlir cu kan thei kho rih lo nain, an khuami pakhat nih “ngakchia te a si, kum 16 hrawng a si men lai” tiah a chim.

Tha Thawng Kam

Tha Thawng Kam ruak cu Hakha in Buanlung khua ah an tlunpi cang.

Christmas ni sunglawi phanh lai ah chungkhar nih liamtak cu a fak tuk hringhran.

Tantakmi chungkhar an ngaihchiatnak Pathian nih hnem ko hna seh, thlacam piak cio hna usih.

Lian cu Seihnam Journal ah Editor-in-chief a rak ṭuan. UNHCR zung i RSC department ah kum 4 chung holhlet le calet a ṭuan pah in Faiceu Journal ah 'editor' in a rak bawm pah hna. 2016 ah The Chin Express a dirh i ni fatin Chin thawngpang le vawlei cung thawngpang phunkip a ṭial.