Chin state, Hakha khuapi i hmunthar samh timhnak hmun ah mah nawl in sakmi inn pawl cu cozah nih tuni ah seh in a hrawh thluahmah cang hna.

Cozah nih inn pawl a hrawh hna lio ahcun thawngla pawl luhnak nawl a pe hna lo. Thawngla pawl nih lamhlat lawngin hmanthlak le video thlaknak nawl a pek hna.

Mah nawl in sakmi inn hrawhnak cu tuni zinglei sml 8 in a thok.

“Luhnak nawl a kan pe lo. Lam hlat lawngin kan zoh khawh. Zoom suai in hman kan thlak. Palek le minung an tam tuk. Inn hrawh nak caah seh 10 hrawng an hman. Atu tiang ahcun inn 20 hrawng an hrawh cang,” tiah Khonumthung thawngla nih a chim.

Cozah nih inn a hrawh lio ahhin inn ngeitu kan hmu hna lo. Atu tiang ahcun buainak a um rih lo tiah a chimchap. _ Khonumthung

Azi cu Faiceu Journal website ah kum 1 leng thawnggpang a leh hnu ah The Chin Express (theihtlei.com, thechinexpress.com le thechinexpress.info) ah kum 3 chung thawngpang 2,000 leng a let/ṭial cang.