Hakha Ah Minung 3 Sin In Meithal Kuan 770 An Tlaih

Hakha khua i Khuathar Sang, Thantlang lampial ah a rami motorcycle 2 sin in meithal kuan 770 an tlaih, tiah Ramchung Vuanci Zung nih a thanh.

October 23 zaanlei suimilaam 1pm ah Hakha palek pawl nih pawngkam an check lio ah, Khuathar Sang, Thantlang lampial ah minung 3 nih an rung i citmi motorcycle 2 cu check dingin an dirter.

Nain, dir duh loin an zaam. Palek nih an dawi hna i Bogyoke Lam i Suimilaam Tung pawngah an tlaih khawh hna.

Motorcycle in an phorhmi thilri cu an check tikah, buri 2 chungah an rawnmi Shaktiman Express tazeih cuang caku bawm 77 an hmuh.

Caku bawm 77 chung ahcun meithal kuan 770 an hmuh i an tlaih.

Motorcycle ngeitu Mang Hei Lian, kum 43 le a hawile 2 hna cu Hakha palek sahkhan nih Chin Special Division Upadi Dal 34 (4) in case an tuahpiak hna i kherhlainak an tuah liopi a si.

Azi cu Faiceu Journal website ah kum 1 leng thawnggpang a leh hnu ah The Chin Express (theihtlei.com, thechinexpress.com le thechinexpress.info) ah kum 3 chung thawngpang 2,000 leng a let/ṭial cang.