Hakha Ah Motor Le Lam Sikan A Zul Lomi Motorcycle 100 Hrawng Dantat An Si

Chin state, Hakha khuapi ah palik le pk i bawm in mi check nak an tuah i motor, motorcycle le lam zulhphung (sikan) a zul lomi motorcycle 100 hrawng an tlaih i dan an tat hna tiah kan theih.

Hakha khuapi ah motor, cycle le lam sikan kong mipi sin theihternak/cawnpiaknak tuah a si cang i mah hnu ah a zul hlei lomi paoh cu Chin state lam humhimnak tawlreltu council nih fak pi in dan a tat hna.

September 18 (tuni) ah motorcycle 100 hrawng cu motor, cycle le lam zulhphung zul loin an mongh caah palik le pk nih an tlaih hna i dan an tat hna.

Chin state ah motor accident a tambiknak hi Hakha khuapi ah a si i accident a tongmi hi mino deuh an si hna.

Chin ram chung ah motor, motorcycle accident le lam cung harnak a um lo nakhnga caah tiin July 2, 2018 thok in license (Hmatpungtin) ngei lo motor le motorcycle vialte cu Upadi ning in fak pi in tlaih le dantat an si.

Azi cu Faiceu Journal website ah kum 1 leng thawnggpang a leh hnu ah The Chin Express (theihtlei.com, thechinexpress.com le thechinexpress.info) ah kum 3 chung thawngpang 2,000 leng a let/ṭial cang.