Tuni ahkhan Chin state cozah nih mah nawl in sakmi inn pawl cu seh in a hrawh hna i inn hrawhpiak a duh lomi nu pakhat lungfim loin a tlu.

Hakha khua chungah mah nawl in sakmi inn pawl cu tuni ah cozah nih a hrawh hna i inn chung in a chuak duh lomi kum 42 nu cu sipin le palek nih innleng ah an chuahpi i lungfim loin a tlu, sizung ah an kalpi.

“Kum 42 hrawng si men lai. Inn chung in a chuak duh lo i palek le sipin nih a duh na loin leng ah an chuahpi. Mah ahkhan lungfim loin a tlu. Sizung ah riah a hau lo. Chikhat te oxygen an pek i tlawmpal an dinhter hnu ah a ttha tthan ko. Atu hi sizung in a ttin cang,” tiah Hakha sizung rianttuan pakhat nih a chim.

Hmun thar samhnak hmun ah mahnawk in sakmi inn pawl cu tu zaanlei sml 6 tiang kan hrawh hna lai tiah Chin state Sipin Vuanci U Soe Htet nih a chim.

Chin state cozah nih sipin area Acre 676 hmun ah mah nawl in sakmi inn pawl cu August 8 ah hrawh dingin thawng a thanh. Nain, biaknak hruaitu upa pawl nih an nawl hna ruangah nithla a thawn i August 20 tu ah a hrawh hi a si. _ Chin World

Azi cu Faiceu Journal website ah kum 1 leng thawnggpang a leh hnu ah The Chin Express (theihtlei.com, thechinexpress.com le thechinexpress.info) ah kum 3 chung thawngpang 2,000 leng a let/ṭial cang.