Hi Bantuk Taksa Hleimi Hi Apple Cider Vinegar In Hloh Khawh A Si

Mi cheukhat cu takvun ah taksa a hleimi  te a ngeimi an um. Cu taksa a hleimi cu hngawng, zaktang, mit, hnuk le paang ah an um deuh tawn.

Mi cheukhat nih cun cu taksa a hleimi tete cu an rem lo ngai. Cu taksa a hleimi te cu sibawi te sinah i hlohter khawh cu a si ko nain mah tein inn ah i hlohter khawh a si ve.

Takvun ah taksa a hlei i a bomi te cu mirang in acrochordon tiah an ti i skin tags ti zong an timi a si. Cu takvun a hleimi te cu minung caah ttih nungmi a si lo, a  caan ahcun an mah tein an tlong/ ttil tawn.

Hmeh hna zong hi kan i theih lo kar te ah a mah tein a tlongmi an um ve. Cu takvun ah taksa a hleimi te a ngeimi na si i hloh na duh a si ahcun fawi tein hloh khawh a si. Zeitindah na hloh lai ti ahcun:

A herhmi thil: apple cider vinegar (apple zu).

Takvun ah taksa a hleimi cu Dr. Doug Willen nih fawi tein a hloh ning cu video in a thlak.

Cu apple cider vinegar cu lachon silole puan a penmi tein lak ah na toih lai i takvun ah a hleimi (taksa bomi) zawn te ah na hnor piak lai.

Nikhat ah a tlawmbik voithum na tuah lai. A caan ahcun a zerh in thuh a hau i cu hnu ah a rong (colour) aa thleng lai i cun a mah tein an ttil ko lai.

Apple cider vinegar cu dawr ah fawi tein cawk khawhmi a si, hi ti ning tein na tuah a si ko ahcun na takvun ah a hleiin a ummi taksa cu an tlau ko lai.

Source: Provider

Azi cu Faiceu Journal website ah kum 1 leng thawnggpang a leh hnu ah The Chin Express (theihtlei.com, thechinexpress.com le thechinexpress.info) ah kum 3 chung thawngpang 2,000 leng a let/ṭial cang.