Hmanthlak Zuamnak Ah Kan in Sawm: Lairam Phaizawng

Atu hi, Lairam lei cu phaizawng an par pah/deng cang lai. Hmanthlaknak camera a ngeimi le huamnak a ngeimi nih Lairam chung phaizawng par lio hmanthlak khawh rak i zuam cio te uh. Nan thlakmi cu “Muko hmanthlak zuamnak 2019” ah kuat khawh a si lai. 1nk a hmumi cu a hmuhnak hmanthlak December 20 Hmanthlak Zuamnak Ah Kan in Sawm: Lairam Phaizawng19 Muko phaw ah kan hmanpiak hlei ah K 50,000 pek a si lai. 2nk K 30,000; 3nk K 20,000 a si lai.

Zulh ding:

1. Mah nih thlakmi asiloah nangmah i na ngeih bakmi hmanthlak a si lai.

2. Lairam fingtlang cung (khuachung zong a ngah) i a par liomi phaizawng a si tengteng lai.

3. Resolution a tlawm bik 300 a si lai (handset thlakmi paoh hi resolution 72 an si caah handset na thlakmi cu resolution a tling lai lo).

4. A tung (potrait) in thlakmi lawng cohlan a si lai.

5. Zuamnak i na chuahpimi hmanthlak cu, khoika hmanh ah hman rih lomi a si lai. Facebook, viber tepawl zong ah tar rih lomi a si lai.

6. Naa zuamnak hmanthlak cu email kuatmi lawng cohlan a si lai. (Messenger, viber tepawl kuatmi cu resolution a tla/niam).

7. Nangmah thlakmi a si kong fehternak ah, na thlak nicaan, na thlaknak hmun, theihternak na tuah chih te lai.

8. Na min, na umnak, na email, na phone number na kan thanh chih te lai.

Tinhmi: Pathian thluachuah kan Lairam aa dawhnak hmuhchuah le langhter duhnak; Lai mino nih zungnem (art) lei luh duhnak le thiamnak kan ngeih khawh nakhnga….

Kuat caan: October 15, 2019 hlan ah.

Kuatnak hmun:

chumte@gmail.com
cplianc@gmail.com
tartarzanzan@gmail.com

Laksawng Tlawmpetu le Lunglawmhnak: Hi hmanthlak zuamnak ah laksawng a kan pekpiaktu ding cu Pu Ram Lian Sang (Sangpui) le a chungkhar (Indianapolis, USA) an si. An chungkhar cung ah kan i lawm hringhran.

Upatnak he,

Muko Mekazin Komiti
Lai Baptist Church, Yangon.

Azi cu Faiceu Journal website ah kum 1 leng thawnggpang a leh hnu ah The Chin Express (theihtlei.com, thechinexpress.com le thechinexpress.info) ah kum 3 chung thawngpang 2,000 leng a let/ṭial cang.