Indiana Chin Baptist Church mino pawl timh ciammam in CNF Headquarters ah an rak tlawng i, kan miphun dohthlennak ah zei tin dah kan nin bawmh khawh hna lai tiah CNF upa pawl an rak hal hna.

An nih hi an zaapi in American University ttha ttha ah sianginn a kai lio mi le a dih cang mi an si.

An kal lai ah an Khrihfa bu hrim hrim nih an va kal ding hi tthate in an timhlamh piak hna. CNF camp ah a um mi CNA ralkap pawl sin ah “kan miphun caah nan ttuan nak vialte ah kan ni lawm tuk” tiah an va chim. 

Hi ban tuk hi kan miphun ah a veikhatnak a tuah mi an si i a hlei in lawmh a um. Hi siaherhnak he an va tlawn hna hi, CNA ralkap caah thazang ttha tak tak a si.

Kan miphun zaapi nih tuah ve khawh cio i tim hna uh sih. Hi thilttha an tuah mi hi sullam a um i, kan miphun caah tuanbia thar an ttial.

USA an phanh tthan cangka in CNF fa le vialte sianginn an kainak phaisa zeitin dah kan bawmh khawh hna lai tiah biatak te in an cawl.

A tlawmpal ah thawngttha tampi an kan thanh lai ti kan zumh. An tuah mi thil ttha ah Kan Chin miphun aa lawm lo kan um lo. Lawmhnak ngan tak tak he….. Daniel Sakhong

Azi cu Faiceu Journal website ah kum 1 leng thawnggpang a leh hnu ah The Chin Express (theihtlei.com, thechinexpress.com le thechinexpress.info) ah kum 3 chung thawngpang 2,000 leng a let/ṭial cang.