Indianapolis, USA ah Myanmar Union Day 2019 Ropui Takin Tuah An Tim

Avoi 72nak Myanmar Union Day cu USA ah Chinmi kan tambiknak Indianapolis khualipi ah hlunghlai ngai in February 12 ah tuah an i tim, tiah kan theih.  

Atu kum 2019 Myanmar Union Day puai ahhin, Kawlram chung a ummi miphun kip nih kan ngeihmi lam le thilthuam pawl langhternak a um lai. Hlasaknak le ei ding phunkip zong aa tel chih lai. Mah a sunglawi tukmi puaipi hi mikip caah awnh asi i kan hawikom a simi kan innpa chaktlang le miphun dang zong sawm an si. 

Myanmar Union Day puaipi nih aa tinhmi cu: 

• Miphun pakhat cio nih kan ngeihmi pupa rosung le kan nunphung kha a thar in i dirhkamhpi le sunlawhpi hi a si, mah ti kan tuahmi nihhin miphung pakhat le pakhat karlak ah i theihthiamnak a karhter tthan lawng siloin hmailei kan karhlannak le tthanchonak ca zongah aa bawmtu asi lai,

• Kawlram miphun chung i a ummi biaknak le nunphung dang vialte zong hmun khat ah a kan funtom tthan lai i lungkhat thinkhat tein kan dir khawhnak caah bawmtu asi lai, 

• Kawlram miphun a simi mino vialte zong atu bantukin pupa rosung a simi kan nunphung le kan sining an langhternak nihhin kan miphun sinak an humhim ter lawng siloin mino vialte zong hmunkhat ah a funtom tthan hna lai i hmailei an ṭhanchonak ding caah bawmtu asi lai,

 

• Panlong biakamnak nih aa tinhmi, federalist democracy cozah nih a chuahpi mi miphun vialte nih aa ruang tein zalonnak hmuh ding cu a thar in kan dirpi ko timi langhter tthannak caah, le 

• Kawlram ah an tuah cuahmahmi 21st Century Panlong Khuakhannak – Rampi Remdaih Khuakhannak siseh, kan Kawlram cozah sining aa thleng chuahmah liomi le Southeast Asia ram chungah chawlehnak in a ṭhangchomi ram si dingin aa tinhmi cu kan dirpi ve ko ti langternak ca zongah a si fawn. 

US Senators, Congressman, le Kawlram hrawitu cheukhat zong sawm a si, tiah thawng kan theih.

Lian cu Seihnam Journal ah Editor-in-chief a rak ṭuan. UNHCR zung i RSC department ah kum 4 chung holhlet le calet a ṭuan pah in Faiceu Journal ah 'editor' in a rak bawm pah hna. 2016 ah The Chin Express a dirh i ni fatin Chin thawngpang le vawlei cung thawngpang phunkip a ṭial.