American rocker minthang Jon Bon Jovi nih inn ngeilo le sifak hna caah a lak tein rawl ei khawhnak dawr 2 a hun.

Kum 2011 ahkhan Jon Bon Jovi Soul Foundation (NGO) min in amah chuahkehnak New Jersey state ah dawr pakhatnak a hun. Cun, 2016 ahkhan Toms River peng ah dawr dang a hun chap.

“Kan dawr ah na rat ahcun menu ah a man an um lo. A rawl ttam nain tangka ngeilo na si ahcun naa tel ve kho. Rawl lawng ka ei lai nati zong ah a ngah ko. Na duh ahcun khengttawl, waiter/waitress le dum rian zong bawmh khawh a si,” tiah Jon Bon Jovi nih a chim.

Jon Bon Jovi rawldawr cu mirum pawl tangka hlutmi thawng in a cawlcang kho. Cun, chumhchuan awk caah an mah tein dum an tuah.

Azi cu Faiceu Journal website ah kum 1 leng thawnggpang a leh hnu ah The Chin Express (theihtlei.com, thechinexpress.com le thechinexpress.info) ah kum 3 chung thawngpang 2,000 leng a let/ṭial cang.