Canada hlasa minthang Justin Bieber nih ka nupi Hailey Baldwin hi Pathian nih thluachuah a ka pekmi a si tiin ka zumh tiah Vogue ah a chim. Justin le a nupi cu naite ahkhan Vogue magazine phaw cuang caah hman an i thla.

“Ziaza that cu laksawng hmuhnak a si. Nupi ka ngeih hnu in kaa thleng ngai. Cucaah, ka nupi hi Pathian nih thluachuah a ka pekmi a si tiin ka zumh. Ka nupi cu ka dawt chin lengmang.” tiah Justin Bieber nih a chim.

Justin Bieber (kum 24) le a nupi Hailey Baldwin (kum 22) cu an i duh thla tlawmpal hnu ah tthitumnak min an thu. Nain, tthitumnak an tuah hlan ah voi 1 hmanh an it tti bal lo.

“Ka nu nih nu na upat hna lai a ka ti. Mah kha ka lungah caam peng i nupa sinak (sex) ka tuah tikah ka diriam bal lo.”

“Pathian nih dinfel a duh ruangah nupa sinak tuah hlah uh a kan ti lo. Pathian tu nih cun fahnak chungin kilven a kan timh deuh. Nupa sinak (sex) nih fahnak tampi a chuahpi tiin ka ruah,” tiah Justin Bieber nih a chimchap.

Justin Bieber le Hailey Baldwin cu an i umh zarh 1,2 hnu ah an buai pah lengmang. Cu kongah, a nupi nih “kan i umh zarh 1,2 lio ahcun mi nih an kan soisel tuk caah kaa nuam lo tuk, ka lileng a rak leng tuk,” tiah a chim.

“Justin cu ka duh tuk ve i ka thim cangmi ka lamthluan ah deihnak ka hmuh nakhnga tu lawng thla ka cam lengmang,” tiah Baldwin nih a chimchap. _ HollywoodLife

Azi cu Faiceu Journal website ah kum 1 leng thawnggpang a leh hnu ah The Chin Express (theihtlei.com, thechinexpress.com le thechinexpress.info) ah kum 3 chung thawngpang 2,000 leng a let/ṭial cang.