Chinpa nih a hmanthlak delete dingin a kan nawl tuk caah a hmanthlak kan delete

Theihternak: Chinpa nih a hmanthlak delete dingin a kan nawl tuk caah Kachin mi nih a rak kan tar termi a hmanthlak pawl kan delete tthan.

US ram, North Carolina state ah a ummi Chinpa, Mara Paw E @Ne Mang (Facebook account Oppa Lay) cu Kachin ngaknu he an i uar.

Chinpa nih a ngaknu Kachin nu cu a zuzu hmanthlak tampi a kuat len. Mah ruangah a ngaknu nih a phiat.

A phiatmi cu a thinhung i a ngaknu tthing hmanthlak in Facebook account deu 3;

  1. Mee Mee Sn
  2. Yati Nan Oo le
  3. Zamiram Sn a ser i a thiamnak dihlak in a mualphoh.

Kachin nu hmanthlak in Facebook account deu a sermi pawl ahcun, “horduhcuai chat a duhmi duh chung, video call a duhmi $5000” ti hna in ca a ttial.

Cun, nu dang horduhcuai hmanthlak le Kachin nu hmanthlak a tar tti hna i hornak kong lawngte ca a ttial.

Mah tiang cun a ngol duh rih lo, a ngaknu tthing i a nulepa hmanthlak le hmatpungttin tiang a hung tar chap i “ka nulepa aw, nan hmai kan khap hrim hna lo. Ka nulepa nih nan hrinmi ka chuahpi ka ttapa nih voi tamtuk a rak ka tlaihhrem lengmang caah atu bantukin hlawhhlang ka ttuannak si,” tiin ca a ttial hoi.

Kachin pawl nih an hmuh tikah an thinhung tuk. US ah a ummi Rawang (Kachin) cheukhat pawl lebang nih cun an thinhun tuk celh lo ah ‘kan thah lai’ ti hna in an ti.

Kachin mi pakhat nih, “Mahpa hi Chinpa a si. Chinmi cu mi ttha an si. Hi bantuk minung pakhat ruangah Chin miphun ningin a min chia. Amah he aa naihniam Chinmi nan um ahcun rak cawnpiak uh. Kachin nu hmanthlak hmangin a thangchiat,” tiin Facebook ah a ttial.

Chin mihrut pa

Kachin mi nih, “Zaangfah tein Chin media ah ra kan ttialpiak uh, a nulepa nih hmu hna sehlaw cawnpiak hna seh..” an ti caah kan hun ttialnak a si.

Lian cu Seihnam Journal ah Editor-in-chief a rak ṭuan. UNHCR zung i RSC department ah kum 4 chung holhlet le calet a ṭuan pah in Faiceu Journal ah 'editor' in a rak bawm pah hna. 2017 ah The Chin Express a dirh i ni fatin Chin thawngpang le vawlei cung thawngpang phunkip a ṭial.