Mai Khuang Hliang Par a thattu tiah lunghrinhmi (suspect) an tlaih cang tiah Lai website cheukhat nih an ttialmi hmuh a si. Amah pa sinah CIA nih an chim tiah an ttialmi zong a um.

Hi bantuk case kong ah CIA an i rolh bal lo i Detective nih an buaipi mi thil a si ti hi theih cang ding. Media pakhat phun i thawngpang ttial ttung ahcun ralrin deuh ngai ding a si.

Atu tiang ah Mai Khuang Hliang Par a thattu tiah lunghrinhmi ahohmanh tlaihmi an um rih lo tiah thanh le fianternak tuah kan duh. Hi kong hi detective sinah fiangte i hlathlai hnu ah thanhmi a si.

Hi bantuk case kong hi upadi (legal) thil tampi he ai pehtlaimi a si pinah hlathlainak an tuah cuahmah liomi zong si caah thawngfiang lo le theihnak a hram (source) a dikmi ngei loin ttial le thanh hi hrial i zuam u sih.

Cattialtu: The Chin Voice

US caan December 23, Zarhpini zingka ahkhan nungak Khuang Hliang Par ruak cu southside apartment complex i hnawmpung nganpi chungah an hmuh.

US Chin nu Khuang Hliang Par a ruak in an hmuh

Zeitin dah a thih ning si, tbk., cu palek nih an fehter rih lo. Lainawn hlattu palek (homicide detectives) pawl nih thil sining an hlat cuahmah lio a si.

Khuang Hliang Par, kum 27 hi Indianapolis ah a ule he khuasami a si. Laitlang an khua cu Thantlang peng, Vuangtu khua an si.

US caan December 24 le 25 zaan ahkhan Zophei Baptist Church ah Khuang Hliang Par tthutpinak an tuah.

Azi cu Faiceu Journal website ah kum 1 leng thawnggpang a leh hnu ah The Chin Express (theihtlei.com, thechinexpress.com le thechinexpress.info) ah kum 3 chung thawngpang 2,000 leng a let/ṭial cang.