Korea le Myanmar ram 2 hawikawmhnak caah video thlak cuahmahmi ‘Minmei cung pangpar’ ah Kyaw Htet Aung cu Chinpa Salai Thang in lemcang a ttuan. Tunai te ahkhan a Facebook cahmai ah Laithil aa hruknak hmanthlak pawl a hun tar hna.

“Chinpa pakhat dirhmun in lemcang ttuan dingin an ka fialmi cungah kaa lawm tuk. Video chung ahhin ngakttah sianginn ah a tanglianmi Salai Thang in lemcang ka ttuan lai,” tiah Kyaw Htet Aung nih Chin World sin ah a chim bal.

A tanglei hi Kyat Htet Aung nih hmanthak a tarmi cung ah a ttial chihmi a si.

Ka Nu: Ka fa, na dam maw? Zeitik ahdah na rak tlun te lai?

Keimah: Ka nu, ka dam. Chin state ah ka um beh cang lai

“Minmei cung pangpar” movie cu Korea ram in JBJ Entertainment company le Myanmar ram in BIG5 Film Production i bawm in thlakmi a si.

Movie ah biapi in lem a cangmi hi Korean actor Ryu Sang Wook, Myanmar Actress Wutt Hmone Shwe Yee, Kyaw Htet Aung le May Than Nu hna an si.

Movie cu Zin Yaw Maung Maung le a fapa Min Thant Maung Maung nih director an ttuan i 70% cu Myanmar ram ah an thlak (Chin state thlakmi tambik), 30% hi Korea ram ah an thlak lai. Atu hi lemcang le tawlreltu pawl cu Chin state ah an um lio a si.

Azi cu Faiceu Journal website ah kum 1 leng thawnggpang a leh hnu ah The Chin Express (theihtlei.com, thechinexpress.com le thechinexpress.info) ah kum 3 chung thawngpang 2,000 leng a let/ṭial cang.