Lai Mipi Hna Sinah Nawlnak: Malaysia Lai Paih Committee

Lai miphun nih kan nunphung ah kan sunhsak tukmi Paih cu kumdang bantukin Avoi 71nk Chin Phunpi Ni (February 5, 2019) ah Malaysia ram Kuala Lumpur khuapi ah Hakha peng le Thantlang peng upa hna hruainak in tuah than a si.

Hi Paih kan tuah khawhnak dingah ngeihchiah chawva in a kan bawmchantu pengtlang in siseh, a khua in siseh, pumpak in siseh nan dihlak cungah lawmhnak chim cawklo kan ngei. Cun hi Paih ah ai telmi khua le pengtlang vialte hna le ramkip in thazaang a kan petu kan miphun hawi nan dihlak cungah lawmhnak tampi kan ngei fawn.

Tutan Paihnak caah kan hlanmi Paih phah a tlamtlinlo caah le siizung phan tiangin ai khawngdengmi kan um hna caah upate kan lung a nuam hrimhrim lo. Nan fah tuarnak kan in hrawmpi hna.

Ni 2 chung (February 5, 6) tuah ding a si nain a nikhatnak Zatlang Paih kan tuah lioah pakhat le pakhat i theihthiamlonak ruangah buainak a chuak. Cu ruangah ni 2 chung tuah dingmi zong tlamtling tein kan tuah khawh ti lo caah le laksawng pek zong kan pehzulh khawh lo caah kan sia a rem hrimhrim lo, a ruahzia nan kan thiam naklai zaangfah kan in nawl hna.

Cun, tutan Paih kan tuahmi ah ruahlopi in buaibainak a chuah ruangah hin Malaysia le hmunkip um kan miphun hawi nan hmai kan in khap hrimhrim hna lo, kanmah upate tlamtlinlo ruangah a si ko. Cu caah kan tlamtlinlonak le kan chambaunak vialte nan kan ruahthiamnak hnga upatnak he kan in nawl hna.

Paih Committee

Avoi 71nk Chin Phunpi Ni
Kuala Lumpur, Malaysia 
February 6, 2019

Tial Lian Thang
Lian cu Seihnam Journal ah Editor-in-chief a rak ṭuan. UNHCR zung i RSC department ah kum 4 chung holhlet le calet a ṭuan pah in Faiceu Journal ah 'editor' in a rak bawm pah hna. 2016 ah The Chin Express a dirh i ni fatin Chin thawngpang le vawlei cung thawngpang phunkip a ṭial.

Related posts

Rohingya pa pakhat RM20 million man ritsii he an tlaih

Bangladesh palek nih Rohingya pa cu methamphetamine timi rithaisii tlang US$5 million (RM20...

Malaysia ralzaam in DHS a phi cangmi nih theih ding

Malaysia: Ram 3nk nih reject cangmi silole Lahwahkah/DHS a sungmi pawl cu UNHCR...

Van Hlei Sung cu Malaysia Chinmi hlawi dingin Kuala Lumpur a phan cang

A hlatnak ram New Zealand um Chin ngaknuno awṭha Van Hlei Sung cu...

Minu nih a vapa a tthat tuk caah tthen a timh

United Arab Emirates ram ah a ummi nu pakhat nih, "ka vapa nih...

Rel bikmi

Rohingya pa pakhat RM20 million man ritsii he an tlaih

Bangladesh palek nih Rohingya pa cu methamphetamine timi rithaisii tlang US$5 million (RM20...

Malaysia ralzaam in DHS a phi cangmi nih theih ding

Malaysia: Ram 3nk nih reject cangmi silole Lahwahkah/DHS a sungmi pawl cu UNHCR...

Van Hlei Sung cu Malaysia Chinmi hlawi dingin Kuala Lumpur a phan cang

A hlatnak ram New Zealand um Chin ngaknuno awṭha Van Hlei Sung cu...