Malaysia Ah Chin Pa Be Za Mi A Tlau

Malaysia ah a ummi Chin pa Be Za Mi cu November 8, 2018 zaanlei sml 5 hrawng ah a umnak Kepong khua in Kotaraya ah a kal.

Nain, November 10 tiang inn a tin bal ti lo caah a chungkhat nih Chin community sinah bawmh an hal. November 12, 2018 (tuni) tiang a thawngpang an thei kho rih lo.

Be Za Min(791-13C15010) hi kum 24 si i Mara Chin a si. An nih hi 2013 ah UNHCR card a ngahmi a si.

Be Za Min a hmumi nih ACR Facebook account silole Steven (017-5377122), C.Laiki (018-2800219) sin ah thawngthanh khawh a si.

“Kotaraya pawnghrawng ah nifatin palik an i chok. November 9, 2018 zaanlei sml 4 hrawng ah ka hawipa Aung San Maung an tlaih ve. Amah cu MyRC card aa tlaihmi a si, mah ni i an tlaihmi hna kha minung 200 hrawng an si lai tiah phone a ka chawnh,” tiin Than Sein nih comment a ttial.

Be Za Min hi palik nih an tlaih zong si kho men tiah mi cheu nih an zumh. Thlacam in bawm ve hna usih. _ ACR

Azi cu Faiceu Journal website ah kum 1 leng thawnggpang a leh hnu ah The Chin Express (theihtlei.com, thechinexpress.com le thechinexpress.info) ah kum 3 chung thawngpang 2,000 leng a let/ṭial cang.