Malaysia ah Chinpa a thi

Kuala Lumpur – Puchong khua ah rian a ttuanmi tlangval Khup Ngaih Lian, kum 19 cu January 7 ahkhan P.P.U.M sizung ah a nunnak liam.

Zei zawtnak in dah a thih ti cu chungkhar nih an langhter lo.

Chin state, Tonzang peng i Natzang khuami Pu Khup Lam Thang le Pi Thawng Nuam Cing hna i an fapa a si.

Aruak cu sizung ah Malaysia Myanmar Bawmtu Bu nih tuni January 11 ah a lak lai i Sungai Buloh thlanmual ah 10am an vui lai.

Tantakmi chungkhar nan ngaihchiatnak kan in tuarpi hna. Kan biak Pathian nih in hnem ko hna seh.

Khuasak le lu phum kan i timh lonak, tu hnu kum tlawmpal ah kan chuaktak ding Malaysia ram ah Chinmi 2,000 leng kan nunnak a liam cang.

Lian cu Seihnam Journal ah Editor-in-chief a rak ṭuan. UNHCR zung i RSC department ah kum 4 chung holhlet le calet a ṭuan pah in Faiceu Journal ah 'editor' in a rak bawm pah hna. 2016 ah The Chin Express a dirh i ni fatin Chin thawngpang le vawlei cung thawngpang phunkip a ṭial.